2025 jyldyń 28 qazanynda Aqordada ótken is-sharanyń kýlýarynda Atom energiiasy jónindegi agenttiktiń tóraǵasy Almasadam Sátqaliev Qazaqstan ýranyn eksporttaý jospary týraly aitty, dep habarlaidy Dalanews.kz.
Almasadam Sátqaliev búgin findik áriptesterimen qol qoiylyp jatqan qujattardyń mánin túsindirdi.
— «Finliandiianyń atom elektr stantsiialaryna – satyp alýshylarǵa qazaqstandyq ýran jetkizý múmkindikteri talqylanýda. Qazaqstan árdaiym óz halyqaralyq naryqtaryn keńeitýge múddeli, biz árdaiym seriktesterimizge qazaqstandyq ýrandy satyp alý múmkindigin qarastyrýdy usynamyz. Biz bul usynysty áriptesterimizge jetkizemiz», – dedi ol.
Onyń aitýynsha, buǵan deiin Finliandiia biligi bul máselege zor qyzyǵýshylyq bildirgen.
— «Bul sapar – osyndai tasymaldyń kólemi men múmkindikteri jóninde naqty kelissózder júrgizýge óte jaqsy múmkindik», – dep túiindedi Almasadam Sátqaliev.
