Búginde Túrkistan oblysynda qolaily biznes klimat qalyptasqan. Kásipkerlik sýbektileriniń sany jyl saiyn ósip keledi. 5 jylda olardyń sany 184 myńǵa jetip, shyǵarylǵan ónim 11 esege deiin ósip, 1 trln teńgeden asqan (2018 j. 130,9 mlrd. teńge).
«Kásipkerlikti damytýdyń» ulttyq jobasy sheńberinde ótken jyly biznes sýbektileri 46 mlrd teńgege jeńildetilgen nesiemen qamtamasyz etildi. Óz isin bastaýǵa yntaly azamattarǵa «Túrkistan» kásipkerlerge qyzmet kórsetý ortalyǵy» arqyly ótken jyly 22 336 qyzmet túri tegin kórsetildi.
– Túrkistan qalasyn rýhani astana retinde damytý bastamasy negizgi kapitalǵa baǵyttalǵan investitsiia kóleminiń ósýine yqpal etti. 5 jylda investitsiia kólemi 3 esege artyp, oblys ekonomikasyna jalpy 3 trln teńgegedei investitsiia tartyldy.
Negizgi kapitalǵa baǵyttalǵan investitsiianyń basym bóligi jeke investitsiiaǵa tiesili.
5 jylda oblysqa salynǵan tikelei sheteldik investitsiia kólemi 2 mlrd AQSh dollaryn qurady. Jalpy somasy 422 mlrd teńgege 133 investitsiialyq joba iske asyrylyp, 9 347 jumys orny quryldy, – dedi Darhan Satybaldy.
Túrkistan oblysynda 5 jylǵa arnalǵan 368 investitsiialyq joba josparlandy. Quny 2,8 trln. teńge bolatyn jobalar arqyly 18,5 myń jumys orny ashylady. 2023 jyly 48 joba iske qosylyp, 1168 adam jumyspen qamtyldy.
Búgingi tańda óńirde ortalyqtandyrylǵan aýyz sýmen qamtylǵan eldi mekenderdiń jalpy sany 720-ǵa jetip, qamtý deńgeii 86,4% qurady (2 025 myń adam nemese 95,6%). Biyl 18 eldi mekenge jańadan aýyz sý qubyry salynady, 12 eldi mekenniń tozyǵy jetken sý júieleri jańartylady. 465 eldi mekenge gaz júrgizilip, qamtý deńgeii 56% qurady (1 537,6 myń adam nemese 72,6%). Biyl 68 nysannyń qurylysy aiaqtalyp, qosymsha 57 eldi meken tabiǵi gazǵa qosylýǵa múmkindik alady.
5 jylda 6 100 shaqyrym jol qurylys-jóndeýden ótip, jergilikti mańyzy bar joldardyń normativtik úlesi 71,2%-dan 92%-ǵa jetti. Biyl 2 myń shaqyrymǵa jýyq jolǵa qurylys-jóndeý jumystary júrgiziledi. 2025 jyldyń sońyna deiin qanaǵattanarlyq jaǵdaidaǵy joldar úlesin 95%-ǵa jetkizý josparlanyp otyr.
