13-14 mamyr kúnderi Qazaqstan prezidenti Qasym-Jomart Toqaevtyń shaqyrýymen Túrkiia basshysy Rejep Taiyp Erdoǵan Astanaǵa memlekettik saparmen keledi, dep habarlaidy dalanews.kz.
Resmi sapar barysynda eki el kóshbasshylary qazaq-túrik yntymaqtastyǵynyń qazirgi jaǵdaiy men aldaǵy damý perspektivalaryn talqylaidy.
Sonymen qatar prezidentter Qazaqstan men Túrkiia arasyndaǵy Joǵary deńgeidegi strategiialyq yntymaqtastyq keńesiniń altynshy otyrysyna qatysady.
Aqordanyń málimetinshe, 15 mamyr kúni Túrkistan qalasynda Túrki memleketteri uiymyna múshe elder basshylarynyń beiresmi sammiti ótedi.
Kezdesý barysynda "Jasandy intellekt jáne tsifrlyq damý" taqyryby negizgi talqylaý baǵyttarynyń biri bolmaq.
