Áleýmettik jelilerde ushaq salonynda bolǵan tóbelestiń videosy tarap, kópshiliktiń nazaryn aýdardy, dep dalanews.kz tilshisi kznews.kz saityna silteme jasap habarlaidy.
The Sun basylymynyń málimetinshe, oqiǵa Nigeriiadaǵy Asaba áýejaiynda United Nigeria Airlines áýe kompaniiasynyń UN0523 reisinde bolǵan.
Videoda eki jolaýshynyń ushaq salonynyń ortasynda janjaldasyp, arty judyryqtasýǵa ulasqany kórinedi. Jeli qoldanýshylary olardyń jergilikti tanymal infliýenser Matins Otse (Very Dark Man – VDM) jáne ázilkesh Freedom Atsepoyi ekenin jazýda.
Oqiǵa kezinde ekipaj músheleri dereý aralasyp, eki jolaýshyny da ushaqtan shyǵaryp jibergen. Keiin olar áýejaidyń qaýipsizdik qyzmetine tapsyrylǵan.
Osy jaǵdaidan keiin reis keshikpei, belgilengen baǵyt boiynsha ushýyn jalǵastyrǵan.
