بۇگىندە تۇركىستان وبلىسىندا قولايلى بيزنەس كليمات قالىپتاسقان. كاسىپكەرلىك سۋبەكتىلەرىنىڭ سانى جىل سايىن ءوسىپ كەلەدى. 5 جىلدا ولاردىڭ سانى 184 مىڭعا جەتىپ، شىعارىلعان ءونىم 11 ەسەگە دەيىن ءوسىپ، 1 ترلن تەڭگەدەن اسقان (2018 ج. 130،9 ملرد. تەڭگە).
«كاسىپكەرلىكتى دامىتۋدىڭ» ۇلتتىق جوباسى شەڭبەرىندە وتكەن جىلى بيزنەس سۋبەكتىلەرى 46 ملرد تەڭگەگە جەڭىلدەتىلگەن نەسيەمەن قامتاماسىز ەتىلدى. ءوز ءىسىن باستاۋعا ىنتالى ازاماتتارعا «تۇركىستان» كاسىپكەرلەرگە قىزمەت كورسەتۋ ورتالىعى» ارقىلى وتكەن جىلى 22 336 قىزمەت ءتۇرى تەگىن كورسەتىلدى.
– تۇركىستان قالاسىن رۋحاني استانا رەتىندە دامىتۋ باستاماسى نەگىزگى كاپيتالعا باعىتتالعان ينۆەستيسيا كولەمىنىڭ وسۋىنە ىقپال ەتتى. 5 جىلدا ينۆەستيسيا كولەمى 3 ەسەگە ارتىپ، وبلىس ەكونوميكاسىنا جالپى 3 ترلن تەڭگەگەدەي ينۆەستيسيا تارتىلدى.
نەگىزگى كاپيتالعا باعىتتالعان ينۆەستيسيانىڭ باسىم بولىگى جەكە ينۆەستيسياعا تيەسىلى.
5 جىلدا وبلىسقا سالىنعان تىكەلەي شەتەلدىك ينۆەستيسيا كولەمى 2 ملرد اقش دوللارىن قۇرادى. جالپى سوماسى 422 ملرد تەڭگەگە 133 ينۆەستيسيالىق جوبا ىسكە اسىرىلىپ، 9 347 جۇمىس ورنى قۇرىلدى، – دەدى دارحان ساتىبالدى.
بيىل ينۆەستيسيا تۇراقتى وسۋدە. ءوسىم قارقىنى بويىنشا ءوڭىر رەسپۋبليكادا الدىڭعى ورىندا (5 ايدا 196،1 ملرد تگ.).
تۇركىستان وبلىسىندا 5 جىلعا ارنالعان 368 ينۆەستيسيالىق جوبا جوسپارلاندى. قۇنى 2،8 ترلن. تەڭگە بولاتىن جوبالار ارقىلى 18،5 مىڭ جۇمىس ورنى اشىلادى. 2023 جىلى 48 جوبا ىسكە قوسىلىپ، 1168 ادام جۇمىسپەن قامتىلدى.
بۇگىنگى تاڭدا وڭىردە ورتالىقتاندىرىلعان اۋىز سۋمەن قامتىلعان ەلدى مەكەندەردىڭ جالپى سانى 720-عا جەتىپ، قامتۋ دەڭگەيى 86،4% قۇرادى (2 025 مىڭ ادام نەمەسە 95،6%). بيىل 18 ەلدى مەكەنگە جاڭادان اۋىز سۋ قۇبىرى سالىنادى، 12 ەلدى مەكەننىڭ توزىعى جەتكەن سۋ جۇيەلەرى جاڭارتىلادى. 465 ەلدى مەكەنگە گاز جۇرگىزىلىپ، قامتۋ دەڭگەيى 56% قۇرادى (1 537،6 مىڭ ادام نەمەسە 72،6%). بيىل 68 نىساننىڭ قۇرىلىسى اياقتالىپ، قوسىمشا 57 ەلدى مەكەن تابيعي گازعا قوسىلۋعا مۇمكىندىك الادى.
5 جىلدا 6 100 شاقىرىم جول قۇرىلىس-جوندەۋدەن ءوتىپ، جەرگىلىكتى ماڭىزى بار جولداردىڭ نورماتيۆتىك ۇلەسى 71،2%-دان 92%-عا جەتتى. بيىل 2 مىڭ شاقىرىمعا جۋىق جولعا قۇرىلىس-جوندەۋ جۇمىستارى جۇرگىزىلەدى. 2025 جىلدىڭ سوڭىنا دەيىن قاناعاتتانارلىق جاعدايداعى جولدار ۇلەسىن 95%-عا جەتكىزۋ جوسپارلانىپ وتىر.
