QTJ kompaniiasy Qojamjarovtyń týǵan inisiniń firmasyn sotta jeńdi, dep habarlaidy Dalanews.kz.
Ótken jyldyń sońynda “QTJ-jolaýshylar lokomotivter” kompaniiasy Dýlat Qojamjarovqa tiesili “High Industrial Lubricants & Liquids Corporation” (HILL) JShS-men dizel maiyn jetkizý týraly kelisimshart jasaǵan. Sharttyń jalpy quny – 504 mln teńge, al jetkizý merzimi 2025 jyldyń 31 jeltoqsanyna deiin dep belgilengen.
Alaida jetkizýshi óz mindettemelerin tolyq oryndamaǵan. 2025 jyldyń 1 tamyzynda kompaniia memlekettik tekserýler men sot isteriniń qyzmetke kedergi keltirip jatqanyn aityp, kelisimshartty buzýdy suraǵan.
“QTJ-jolaýshylar lokomotivter” basshylyǵy kelisimshart buzylǵannan keiin 46 mln teńge kólemindegi avansty qaitarýdy jáne sharttyń 10%-yna teń aiyppul (50,4 mln teńge) tóleýdi talap etti.
HILL kompaniiasy aiyppul tólemeýdi surap, jetkizýdiń 40%-yn oryndaǵandaryn alǵa tartqan. Degenmen, sot KTJ talaptaryn tolyq qanaǵattandyryp, tómendegidei sheshim shyǵardy:
• avans retinde tólengen 45 769 957 teńge,
• aiyppul somasy 50 401 768 teńge,
• memlekettik baj retinde 2 885 152 teńge óndirilsin.
Kompaniia iesi kim?
Dýlat Qojamjarov - Qazaqstannyń burynǵy bas prokýrory Qairat Qojamjarovtyń týǵan inisi. Ol “Hill Corporation” kompaniiasynyń jalǵyz quryltaishysy, kásiporyn mailaý materialdaryn óndirýmen ainalysady.
