قتج كومپانياسى قوجامجاروۆتىڭ تۋعان ءىنىسىنىڭ فيرماسىن سوتتا جەڭدى، دەپ حابارلايدى Dalanews.kz.

وتكەن جىلدىڭ سوڭىندا “قتج-جولاۋشىلار لوكوموتيۆتەر” كومپانياسى دۋلات قوجامجاروۆقا تيەسىلى “High Industrial Lubricants & Liquids Corporation” (HILL) جشس-مەن ديزەل مايىن جەتكىزۋ تۋرالى كەلىسىمشارت جاساعان. شارتتىڭ جالپى قۇنى – 504 ملن تەڭگە، ال جەتكىزۋ مەرزىمى 2025 جىلدىڭ 31 جەلتوقسانىنا دەيىن دەپ بەلگىلەنگەن.

الايدا جەتكىزۋشى ءوز مىندەتتەمەلەرىن تولىق ورىنداماعان. 2025 جىلدىڭ 1 تامىزىندا كومپانيا مەملەكەتتىك تەكسەرۋلەر مەن سوت ىستەرىنىڭ قىزمەتكە كەدەرگى كەلتىرىپ جاتقانىن ايتىپ، كەلىسىمشارتتى بۇزۋدى سۇراعان.

“قتج-جولاۋشىلار لوكوموتيۆتەر” باسشىلىعى كەلىسىمشارت بۇزىلعاننان كەيىن 46 ملن تەڭگە كولەمىندەگى اۆانستى قايتارۋدى جانە شارتتىڭ 10%-ىنا تەڭ ايىپپۇل (50،4 ملن تەڭگە) تولەۋدى تالاپ ەتتى.

HILL كومپانياسى ايىپپۇل تولەمەۋدى سۇراپ، جەتكىزۋدىڭ 40%-ىن ورىنداعاندارىن العا تارتقان. دەگەنمەن، سوت كتج تالاپتارىن تولىق قاناعاتتاندىرىپ، تومەندەگىدەي شەشىم شىعاردى:
• اۆانس رەتىندە تولەنگەن 45 769 957 تەڭگە،
• ايىپپۇل سوماسى 50 401 768 تەڭگە،
• مەملەكەتتىك باج رەتىندە 2 885 152 تەڭگە ءوندىرىلسىن.

كومپانيا يەسى كىم؟
دۋلات قوجامجاروۆ - قازاقستاننىڭ بۇرىنعى باس پروكۋرورى قايرات قوجامجاروۆتىڭ تۋعان ءىنىسى. ول “Hill Corporation” كومپانياسىنىڭ جالعىز قۇرىلتايشىسى، كاسىپورىن مايلاۋ ماتەريالدارىن وندىرۋمەن اينالىسادى.