Biyl 41 597 balaǵa qala syrtyndaǵy lagerler, 153 000 balaǵa mektep janyndaǵy lagerler uiymdastyryldy. Onda áleýmettik jaǵdaiyna bailanysty 23 207 bala biýdjet esebinen tegin demalady.
Qazir 15 myńǵa jýyq bala ata-analar esebinen aqyly demalýda. Sonymen qatar «Qazaqstan Halqyna» Qory esebinen oblysta 3390 bala jazǵy saýyqtyrý lagerlerimen tegin qamtylady.
Oblysta 7 memlekettik jáne 10 jekemenshik lager bar. Demalys lagerlerinde balalardyń qaýipsizdigi basty nazarǵa alynǵan. Kásipkerlerge tiisti talaptar qoiylǵan.
Áleýmettik jelide keibir ata-analar jazǵy saýyqtyrý lageri jumysyna kóńili tolmaityndyǵyn jetkizip, ata-analarǵa ul-qyzdaryn alyp qaitý jóninde jariialaǵan. Osyǵan bailanysty ata-analar arasynda túsinispeýshilik týyndaǵan.
Aimaqta lagerler turaqty qadaǵalaýda. Balalardyń jazǵy demalys máselesi ózimniń jeke baqylaýymda bolady, – dedi Darhan Satybaldy.
Oblys ákimi sonymen birge, Memleket basshysynyń tapsyrmasyna orai, óńirdegi bastaýysh synyp (1-4) balalaryn mektepte tegin tamaqpen qamtý qolǵa alynǵanyn jetkizdi. Qyrkúiek aiynan bastap oblysta bastaýysh synyptaǵy 190 myńnan astam bala tegin ystyq tamaqpen qamtylady. Ashanasy joq mektepterde de tamaqtandyrýdy úilestirý jumystary júrýde.
