ق ر پرەزيدەنتى جانىنداعى ورتالىق كوممۋنيكاسيالار قىزمەتىندە ۇيىمداستىرىلعان باسپا ءسوز ءماسليحاتىندا تۇركىستان وبلىسىنىڭ اكىمى دارحان ساتىبالدىعا بالالار لەگەرلەرىنىڭ جاي-كۇيى، ءبىلىم سالاسىنداعى وزەكتى ماسەلەلەرگە قاتىستى وتكىر سۇراقتار قويىلدى. ءوڭىر باسشىسى ءبىلىم سالاسىن قولداۋ باستى نازاردا تۇرعانىن مالىمدەدى. 

بيىل 41 597 بالاعا قالا سىرتىنداعى لاگەرلەر، 153 000 بالاعا مەكتەپ جانىنداعى لاگەرلەر ۇيىمداستىرىلدى. وندا الەۋمەتتىك جاعدايىنا بايلانىستى 23 207 بالا بيۋدجەت ەسەبىنەن تەگىن دەمالادى.

ءقازىر 15 مىڭعا جۋىق بالا اتا-انالار ەسەبىنەن اقىلى دەمالۋدا. سونىمەن قاتار «قازاقستان حالقىنا» قورى ەسەبىنەن وبلىستا 3390 بالا جازعى ساۋىقتىرۋ لاگەرلەرىمەن تەگىن قامتىلادى.

وبلىستا 7 مەملەكەتتىك جانە 10 جەكەمەنشىك لاگەر بار. دەمالىس لاگەرلەرىندە بالالاردىڭ قاۋىپسىزدىگى باستى نازارعا الىنعان. كاسىپكەرلەرگە ءتيىستى تالاپتار قويىلعان.

الەۋمەتتىك جەلىدە كەيبىر اتا-انالار جازعى ساۋىقتىرۋ لاگەرى جۇمىسىنا كوڭىلى تولمايتىندىعىن جەتكىزىپ، اتا-انالارعا ۇل-قىزدارىن الىپ قايتۋ جونىندە جاريالاعان.  وسىعان بايلانىستى اتا-انالار اراسىندا تۇسىنىسپەۋشىلىك تۋىنداعان.

– اتالعان ماسەلەنى زەردەلەۋ ءۇشىن ءتيىستى كوميسسيا قۇرىلىپ، قۇزىرلى ورگاندار تاراپىنان بالالاردى قابىلدايتىن لاگەرلەر تەكسەرىلدى. الەۋمەتتىك جەلىدە جاريالانعان بالالاردى ۇرىپ-سوعۋ، اشىعان ءسۇت بەرۋ، ەكىنشى قاباتتان قۇلاۋى جونىندەگى دەرەكتەر جالعان ەكەنى انىقتالدى.

ايماقتا لاگەرلەر تۇراقتى قاداعالاۋدا. بالالاردىڭ جازعى دەمالىس ماسەلەسى ءوزىمنىڭ جەكە باقىلاۋىمدا بولادى، – دەدى دارحان ساتىبالدى.

وبلىس اكىمى سونىمەن بىرگە، مەملەكەت باسشىسىنىڭ تاپسىرماسىنا وراي، وڭىردەگى باستاۋىش سىنىپ (1-4)  بالالارىن مەكتەپتە تەگىن تاماقپەن قامتۋ قولعا الىنعانىن جەتكىزدى.  قىركۇيەك ايىنان باستاپ وبلىستا باستاۋىش سىنىپتاعى 190 مىڭنان استام بالا تەگىن ىستىق تاماقپەن قامتىلادى. اسحاناسى جوق مەكتەپتەردە دە تاماقتاندىرۋدى ۇيلەستىرۋ جۇمىستارى جۇرۋدە.