UQK Arqalyq politseilerine qatysty isti tergep jatyr, dep habarlaidy Dalanews.kz.
Qostanai oblysynyń Arqalyq qalasynda jergilikti politsiia qyzmetkerlerine qatysty qylmystyq is qozǵalyp, ony Ulttyq qaýipsizdik komiteti (UQK) tergep jatyr. Bul týraly Kozachkov offside Telegram-arnasy habarlady.
Jýrnalistiń málimetinshe, tergeýshilerdiń nazaryna shamamen 20 adam, sonyń ishinde qalalyq politsiia basqarmasynyń basshylyǵy da ilikken. Tergeý jergilikti avtokólik tirkeý ortalyǵynyń qyzmetine bailanysty bolýy múmkin degen boljam bar.
Qostanai oblystyq prokýratýrasy istiń tergelip jatqanyn rastady, alaida tergeý múddesine bailanysty egjei-tegjeili aqparat berýden bas tartty.
