Kelesi LRT baǵyty Qosshyǵa qarai ótedi. Bul týraly Astana ákimi Jeńis Qasymbek málimdedi, dep habarlaidy Dalanews.kz.
Qala basshysynyń aitýynsha, kún saiyn Qosshydan Astanaǵa 15-ten 20 myńǵa deiin kólik kirip turady, bul qalalyq joldarǵa aitarlyqtai júkteme túsiredi.
«Qosshy ósip keledi, ol – Astanaǵa kóp kómegin tigizip otyrǵan iri seriktes qala. Sol arqyly júkteme azaiyp jatyr. Sondyqtan Qosshydan qalaǵa qarai qozǵalys belsendi, jáne biz kelesi kezeńdi osy baǵytta salatyn bolamyz», – dep atap ótti ákim.
Qasymbektiń aitýynsha, bul – jobanyń ekinshi kezeńindegi tarmaqtardyń biri ǵana. Ekinshi tarmaq Syǵanaq kóshesi arqyly Turanǵa deiin, ári qarai qalanyń eski bóligine – eski temirjol vokzalyna deiin ótedi. Qosshy baǵytyna baratyn alǵashqy bóligi bir jarym jyldyń ishinde aiaqtalady dep josparlanyp otyr.
Qarjylandyrýǵa kelsek, ákimniń aitýynsha, qarajat qaryz túrinde alynýy múmkin.
Sondai-aq, qala basshysy Qosshy baǵytyna tartylatyn jeliniń bir bóligi jer ústimen ótetinin atap ótti.
— «Búginde tań saiyn, ásirese saǵat 08:00 shamasynda, Qosshydan qalaǵa 50 myńnan astam adam keledi. Bul Turan, Qabanbai batyr jáne Máńgilik El kóshelerine zor júkteme túsiredi», – dedi ol.
