Qazaqstanda mindetti áleýmettik meditsinalyq saqtandyrý (ÁMSQ) júiesi aiasynda diagnostikalyq qyzmetterge uzaq kezekter saqtalyp otyr. Májilis depýtaty Nurlan Áýesbaevtyń aitýynsha, keibir naýqastar tekseris pen zertteýlerdi aptalap, tipti ailap kútedi, dep habarlaidy Dalanews.kz.
Onyń pikirinshe, qoldanystaǵy erejeler azamattardyń ýaqtyly meditsinalyq kómek alý quqyǵyn shektep otyr. Osyǵan bailanysty depýtat densaýlyq saqtaý ministri Aqmaral Álnazarovaǵa resmi saýal joldady.
Áýesbaev ÁMSQ júiesi bastapqyda meditsinalyq kómektiń qoljetimdiligi men sapasyn arttyrý úshin qurylǵanyn eske saldy. Alaida sońǵy úsh jylda medqyzmetterdiń baǵasy 2,8 esege ósken, al qoljetimdilik pen sapa 47%-ǵa tómendegen.
Depýtattyń sózinshe, eń jii túsetin shaǵymdardyń biri - ÁMSQ paketindegi qyzmet kóleminiń shekteýligi men jasandy azaitylýy.
“Azamattar konsýltatsiiaǵa, zerthanalyq taldaýǵa nemese diagnostikaǵa jazyla almai, aptalap kezekte turýǵa májbúr. Keide nátijeler 10 kúnnen keiin jaramsyz bolyp qalady, al bul ýaqyt ishinde tekseris júrgizilmese, FSMS sol uiymdy aiyppulmen jazalaidy. Mundai júie ádiletti me?” – dedi Áýesbaev.
Depýtattyń aitýynsha, keibir meditsinalyq uiymdar qajetti resýrstary bola tura, qyzmet kórsetýdi ádeii sozady. Sonyń saldarynan adamdar jekemenshik klinikalarǵa júginýge nemese uzaq biýrokratiialyq rásimderden ótýge májbúr.
Mundai jaǵdailar tek naýqastarǵa ǵana emes, dárigerlerdiń ózderine de qosymsha qiyndyqtar týǵyzady.
Mundai jaǵdailar tek naýqastarǵa ǵana emes, dárigerlerdiń ózderine de qosymsha qiyndyqtar týǵyzady.
Áýesbaevtyń baǵalaýynsha, diagnostikalyq qyzmetterdiń júieli túrde shektelýi meditsinalyq kómektiń sapasyn tómendetip, aýrýlardy kesh anyqtaý qaýpin arttyrady. Bul, óz kezeginde, azamattardyń ÁMSQ júiesine degen senimin álsiretip otyr.
Depýtattyń usynystary
Májilismen jaǵdaidy túzetý úshin birqatar naqty sharalar usyndy:
•meditsinalyq qyzmetterdi «kórsetilgen qyzmet – tólengen qyzmet» qaǵidaty boiynsha qarjylandyrý;
•meditsinalyq uiymdardyń qaryzdaryn óteý úshin ýaqtyly qarjylandyrýdy qamtamasyz etý;
•meditsinalyq aqparattyq júielerdi tsifrlandyrý men biriktirýdi kúsheitý;
•eger taǵaiyndalǵan klinika 10 kún ishinde qyzmet kórsetpese, naýqasty basqa mekemege aýystyrýǵa múmkindik berý;
•memlekettik mekeme qajetti kómekti kórsete almasa, jekemenshik klinikada emdelip, shyǵyndy FSMS esebinen óteý tetigin engizý.
Sońǵy jyldary ÁMSQ júiesine qatysty azamattardan túsetin shaǵymdar kóbeiip otyr. Negizgi syn – uzaq kezekter, biýrokratiia jáne shekteýli qyzmetter tizimi. Sarapshylardyń aitýynsha, júieni qaita qaraý densaýlyq saqtaý salasynyń tiimdiligi men halyq senimin qalpyna keltirýge múmkindik beredi.
