ونىڭ پىكىرىنشە، قولدانىستاعى ەرەجەلەر ازاماتتاردىڭ ۋاقتىلى مەديسينالىق كومەك الۋ قۇقىعىن شەكتەپ وتىر. وسىعان بايلانىستى دەپۋتات دەنساۋلىق ساقتاۋ ءمينيسترى اقمارال ءالنازاروۆاعا رەسمي ساۋال جولدادى.

 

اۋەسبايەۆ ءامسق جۇيەسى باستاپقىدا مەديسينالىق كومەكتىڭ قولجەتىمدىلىگى مەن ساپاسىن ارتتىرۋ ءۇشىن قۇرىلعانىن ەسكە سالدى. الايدا سوڭعى ءۇش جىلدا مەدقىزمەتتەردىڭ باعاسى 2،8 ەسەگە وسكەن، ال قولجەتىمدىلىك پەن ساپا 47%-عا تومەندەگەن.

دەپۋتاتتىڭ سوزىنشە، ەڭ ءجيى تۇسەتىن شاعىمداردىڭ ءبىرى - ءامسق پاكەتىندەگى قىزمەت كولەمىنىڭ شەكتەۋلىگى مەن جاساندى ازايتىلۋى.

 

دەپۋتاتتىڭ ايتۋىنشا، كەيبىر مەديسينالىق ۇيىمدار قاجەتتى رەسۋرستارى بولا تۇرا، قىزمەت كورسەتۋدى ادەيى سوزادى. سونىڭ سالدارىنان ادامدار جەكەمەنشىك كلينيكالارعا جۇگىنۋگە نەمەسە ۇزاق بيۋروكراتيالىق راسىمدەردەن وتۋگە ءماجبۇر.
مۇنداي جاعدايلار تەك ناۋقاستارعا عانا ەمەس، دارىگەرلەردىڭ وزدەرىنە دە قوسىمشا قيىندىقتار تۋعىزادى.

 

اۋەسبايەۆتىڭ باعالاۋىنشا، دياگنوستيكالىق قىزمەتتەردىڭ جۇيەلى تۇردە شەكتەلۋى مەديسينالىق كومەكتىڭ ساپاسىن تومەندەتىپ، اۋرۋلاردى كەش انىقتاۋ ءقاۋپىن ارتتىرادى. بۇل، ءوز كەزەگىندە، ازاماتتاردىڭ ءامسق جۇيەسىنە دەگەن سەنىمىن السىرەتىپ وتىر.

 

دەپۋتاتتىڭ ۇسىنىستارى

ماجىلىسمەن جاعدايدى تۇزەتۋ ءۇشىن ءبىرقاتار ناقتى شارالار ۇسىندى:

•مەديسينالىق قىزمەتتەردى «كورسەتىلگەن قىزمەت – تولەنگەن قىزمەت» قاعيداتى بويىنشا قارجىلاندىرۋ؛

•مەديسينالىق ۇيىمداردىڭ قارىزدارىن وتەۋ ءۇشىن ۋاقتىلى قارجىلاندىرۋدى قامتاماسىز ەتۋ؛

•مەديسينالىق اقپاراتتىق جۇيەلەردى سيفرلاندىرۋ مەن بىرىكتىرۋدى كۇشەيتۋ؛

•ەگەر تاعايىندالعان كلينيكا 10 كۇن ىشىندە قىزمەت كورسەتپەسە، ناۋقاستى باسقا مەكەمەگە اۋىستىرۋعا مۇمكىندىك بەرۋ؛

•مەملەكەتتىك مەكەمە قاجەتتى كومەكتى كورسەتە الماسا، جەكەمەنشىك كلينيكادا ەمدەلىپ، شىعىندى فسمس ەسەبىنەن وتەۋ تەتىگىن ەنگىزۋ.

 

سوڭعى جىلدارى ءامسق جۇيەسىنە قاتىستى ازاماتتاردان تۇسەتىن شاعىمدار كوبەيىپ وتىر. نەگىزگى سىن – ۇزاق كەزەكتەر، بيۋروكراتيا جانە شەكتەۋلى قىزمەتتەر ءتىزىمى. ساراپشىلاردىڭ ايتۋىنشا، جۇيەنى قايتا قاراۋ دەنساۋلىق ساقتاۋ سالاسىنىڭ تيىمدىلىگى مەن حالىق سەنىمىن قالپىنا كەلتىرۋگە مۇمكىندىك بەرەدى.