Memleket basshysy AQSh Prezidentiniń Ońtústik jáne Ortalyq Aziia boiynsha arnaiy ókili Serdjio Gormen jáne AQSh Memlekettik hatshysynyń birinshi orynbasary Kristofer Landaýmen kezdesti, dep habarlaidy Dalanews.kz.
Kezdesýde Vashingtonda ótetin S5+1 sammiti qarsańynda qazaq-amerika keńeitilgen strategiialyq seriktestigin damytý perspektivasy talqylandy.
Qasym-Jomart Toqaev Donald Tramptyń S5+1 sammitine arnaiy shaqyrǵany úshin alǵys aitty.
Prezident aldaǵy joǵary deńgeidegi kezdesý uzaq merzimdi yntymaqtastyqtyń basty baǵyttaryn aiqyndaý turǵysynan nátijeli bolatynyna senim bildirdi. Qazaqstan Amerikamen saýda-ekonomikalyq jáne investitsiialyq seriktestikke tyń serpin berýge múddeli.
Memleket basshysy elimizdiń AQSh Prezidenti júrgizip otyrǵan ishki jáne syrtqy saiasatty qoldaitynyn jetkizdi. Osy oraida Donald Tramptyń beibitshilikti nyǵaitýǵa jáne halyqaralyq qaýipsizdikti qamtamasyz etýge qosqan úlesin joǵary baǵalady.
Qazaqstan Prezidenti jahandyq úderisterdegi Ortalyq Aziianyń róli artyp kele jatqanyna toqtaldy. Aimaq elderi buryn-sońdy bolmaǵan birliktiń úlgisin, tatý kórshilik pen ortaq progreske degen umytylysyn kórsetip otyr.
Óz kezeginde Serdjio Gor Qasym-Jomart Toqaevqa Amerika Prezidentiniń sálemin jetkizdi. Ol AQSh syrtqy saiasatyndaǵy Ortalyq Aziia óńiriniń strategiialyq mańyzyn rastady. Onyń pikirinshe, Vashingtonda ótetin aldaǵy kezdesý ekijaqty yntymaqtastyqty jańa deńgeige kóteredi.
Áńgimelesý barysynda energetika, asa mańyzdy mineraldar, tsifrlandyrý, kólik jáne logistika salalaryndaǵy ózara tiimdi seriktestiktiń áleýeti qarastyryldy.
Budan bólek, óńirlik jáne halyqaralyq kún tártibindegi ózekti máselelerge nazar aýdaryldy.
Derekterge súiensek, Memleket basshysy 4-6 qarashada AQSh-qa barýy múmkin.
