Táýelsizdik jyldary Kýrchatov qalasy qalai damydy?
Semei iadrolyq synaq poligony jabylǵannan keiin Kýrchatov qalasynda jumys istegen áskeriler kete bastady. O basta qalada turatyn halyqtyń sany 55 myń adamdy quraǵan edi. Al toqyraý jyldary qala halqynyń sany alty myńǵa deiin quldyrady. Kóptegen turǵyn úiler qańyrap bos qalǵany jasyryn emes.
Biraq Táýelsizdikke ie bolǵan Qazaqstannyń damý qarqyny qalai tez bolsa, Kýrchatov qalasynyń ońalýy da sondai tez boldy. Qala halqynyń sany birtindep ósti. Qazir Kýrchatovta 13 myńnan astam halyq turady.
Táýelsizdik jyldary Kýrchatovta qalaǵa tán infraqurylymdar tolyqtai iske qosylyp, ekinshi tynysy ashylǵany belgili. Qala elimizdegi monoqalalardyń qataryna qosylyp, ósip-órkendeý jolyna tústi.
Ulttyq iadrolyq ortalyq pen synaq alańy qalanyń damýyna aitarlyqtai serpin bergeni belgili. Budan basqa shaǵyn jáne orta biznes qanat jaiyp, jańa jumys oryndary ashylýyna septeskenin aitýǵa tiispiz.
2013 jyly qalada «Úlbi metallýrgiia zaýytynyń» filialy men «Balapan kóligi» deposy ashylyp, qala turǵyndary turaqty jumyspen qamtydy.
Osy rette bilim berý salasynda aýyz toltyryp aitatyndaǵy jumystar atqaryldy. Birinshi kezekte №1 qalalyq orta mektep kúrdeli jóndeýden ótip, qazaq tilinde sabaq berý isi jolǵa qoiyldy. Al 2017 jyly №4 orta mektep kúrdeli jóndeý jumystary júrgizilip, qalada «Kúnshýaq», «Aq Bópe», «Topolek» dep atalatyn balabaqshalar paida boldy.
«Dostyq úii» men Mádeniet úii de jańǵyryp, qala turǵyndarynyń igiligi úshin jumys istei bastady. Budan basqa qańyrap turǵan 15 úige jóndeý jumystary júrgizilip, júzden astam otbasy qonys toiyn toilaǵanyn aita ketýimiz kerek. «Nurly kósh» baǵdarlamasymen qalaǵa kóship kelýshilerdiń qatary arta tústi.
