ShQO-da biyl óndiristegi jazataiym oqiǵalardyń kórsetkishi 6,1 paiyzǵa tómendegen
Shyǵys Qazaqstan oblysy boiynsha Eńbek inspektsiiasynyń málimetinshe, 2021 jyly óndiris oryndarynda oryn alǵan jazataiym oqiǵalardyń sanynan 172 adam japa shegip olardyń 18 mert bolǵan. Al 2020 jyly oryn alǵan oqys oqiǵalardyń sany 183 jetip, 21 adam kóz jumǵan edi. Biyl mundai qaiǵyly jaǵdailardyń sany birshama azaiyp, óndiris orynda jaraqat alý deńgeii 6,1 paiyzǵa kemigen.
Óndiris oryndarynda oryn alǵan jazataiym oqiǵalar kásiporyndarǵa úlken shyǵyn ákeledi. Óndiris oshaqtary bilikti mamandarynan aiyrylýy orny tolmas aýyr qaza desek bolady. Óndiris oryndarynda jumys isteitin mamandardyń kez kelgeniniń ózindik oryny bar. Sondyqtan oqys oqiǵa kezinde kisiniń qaitys bolýy bul – úlken tragediia.
Sondyqtan ShQO Eńbek qaýipsizdigin qadaǵalaý inspektsiiasy kisi óndiris oryndaryndaǵy eńbek qaýipsizdigin udaiy baqylaýda ustap otyrady. Osyndai júieli jumystardyń arqasynda kásiporyndardaǵy oqys oqiǵalardyń sany jyl ótken saiyn tómendep keledi.
