Qazaqstan Premer-mınıstriniń birinshi orynbasary Roman Sklár Qytaı Halyq ókilderi jınalysy Turaqty komıtetiniń tóraǵasy Chjao Leszımen kezdesti, dep habarlaıdy Dala News.
Kezdesý Qytaıdyń Haınan provınsıasyndaǵy Boao qalasynda ótken Azıa forýmynyń 25-shi sesıasy aıasynda ótti.
Roman Sklár qytaılyq áriptesin «eki sesıanyń» sátti ótýimen jáne Qytaıdyń 2026–2030 jyldarǵa arnalǵan áleýmettik-ekonomıkalyq damý josparynyń qabyldanýymen quttyqtady.
Sondaı-aq ol Qazaqstanda 15 naýryzda ótken referendým nátıjesinde jańa Konstıtýsıa qabyldanǵanyn atap ótip, bul el damýy úshin mańyzdy qadam ekenin aıtty.
Kezdesý barysynda taraptar Qazaqstan men Qytaı arasyndaǵy parlamentaralyq baılanystardyń nyǵaıýyn, saýda-ekonomıkalyq yntymaqtastyqtyń qarqyndy damýyn, sondaı-aq ınvestısıa, kólik jáne energetıka salalaryndaǵy ózara is-qımyldy talqylady.
Óz kezeginde Chjao Leszı Qazaqstanmen joǵary deńgeıdegi senimge negizdelgen strategıalyq áriptestikke Qytaı erekshe mán beretinin aıtty.
Ol sondaı-aq Prezıdent Qasym-Jomart Toqaev bastamashylyq etken reformalardy qoldaıtynyn jetkizdi.
Taraptar BUU, SHYU, AÓSSHK jáne «Ortalyq Azıa – Qytaı» formattaryndaǵy kópjaqty yntymaqtastyqtyń mańyzyn atap ótti.
