Reseı úkimetiniń tóraǵasy Mıhaıl Mıshýstın 25–27 naýryz aralyǵynda Qazaqstanǵa jumys saparymen keledi, dep habarlaıdy Dala News.
Sapar barysynda Astanada ótetin kelissózderde saýda-ekonomıkalyq, ǵylymı-tehnıkalyq jáne mádenı-gýmanıtarlyq yntymaqtastyq máseleleri talqylanady.
Taraptar energetıka, ónerkásip, aýyl sharýashylyǵy jáne kólik ınfraqurylymy salalaryndaǵy birlesken jobalarǵa erekshe nazar aýdarady.
Sonymen qatar Mıshýstın 26–27 naýryzda Shymkentte ótetin Eýrazıalyq úkimetaralyq keńes otyrysyna qatysady.
Sapar aıasynda ol Digital Qazaqstan 2026 forýmynda sóz sóıleıdi.
