Qaraǵandydaǵy Nyǵmatýllinder áýletine qatysty YDD Corporation ferroqorytpa zaýyty jumysyn toqtatty, dep habarlaidy Dala News.
Kásiporynda 528 adam eńbek etken. Sonyń 442-si zaýyttan ketken.
Ministrlik málimetinshe, 2025 jylǵy qazannan 2026 jylǵy naýryzǵa deiin kásiporynda ekonomikalyq sebepterge bailanysty májbúrli toqtap turý rejimi engizilgen. Bul kezeńde jumysshylarǵa ortasha jalaqynyń 50%-y tólenedi.
Qazirgi tańda:
– 55 qyzmetker ǵana jumysyn jalǵastyryp jatyr
– 134 adam basqa kásiporyndarǵa ornalastyrylǵan
– 33 adam basqa kompaniiaǵa aýystyrylǵan
– 31 adam 50% jalaqymen bos tur
– 275 adam jumystan ketken
Jumystan shyqqandardyń basym bóligi qaita jumysqa ornalasqan, bir bóligi jumyssyz retinde tirkelgen.
Zaýyttyń toqtaýyna elektr energiiasy tarifteriniń kúrt ósýi sebep bolǵan. Sońǵy jyldary tarif birneshe ese ósip, óndiris shyǵynynyń 70%-ǵa jýyǵy elektr qýatyna ketetin bolǵan.
Qazirgi ýaqytta kásiporyn investitsiialyq tarif alýǵa ótinish bergen, másele qaralýda.
