Qazaqstan boks federasıasynda kadrlyq ózgerister boldy, dep habarlaıdy Dala News.
Olımpıada chempıony Serik Sapıev federasıa prezıdentiniń boks damytý jónindegi keńesshisi qyzmetine taǵaıyndaldy. Ol ulttyq quramalardyń nátıjesin jaqsartý, sportty júıeli damytý jáne Olımpıadadaǵy jetistikterdi arttyrý baǵytynda jumys isteıdi.
Al kásipqoı boksshy Qanat Islam 19 jasqa deıingi erler quramasynyń úılestirýshisi boldy. Ol jastar quramasynyń daıyndyǵyn qadaǵalap, halyqaralyq deńgeıdegi nátıjelerdi jaqsartýǵa atsalysady.
Aıta keteıik, Serik Sapıev – Olımpıada chempıony, eki dúrkin álem jáne Azıa chempıony. Al Qanat Islam – WBA Fedecaribe tujyrymy boıynsha chempıon, áýesqoı boksta da iri jarystardyń júldegeri.
