Jeksenbi kúni Er-Riiad halyqaralyq áýejaiynyń jolaýshylar terminalyna taǵy da shabýyl jasaldy. Saýd Arabiiasynyń biligi zardap shekkender bar ekenin habarlady. Qazir keltirilgen shyǵyn kólemi anyqtalyp jatyr, dep habarlaidy dalanews.kz.
CBS News málimetinshe, shabýyl Iemendegi hýsitter qozǵalysy senbiden beri Er-Riiadtaǵy Korol Halid atyndaǵy halyqaralyq áýejaiǵa keminde tórt ret shabýyl jasaǵanyn málimdegen tusta boldy.
Saýd Arabiiasynyń biligi shabýyl saldarynan zardap shekkender bar ekenin rastady. Qazirgi ýaqytta oqiǵanyń mán-jaiy men keltirilgen shyǵyn kólemi anyqtalyp jatyr.
Hýsitterdiń áskeri qanatynyń ókili, brigadalyq general Iahia Sari bul shabýyl Saýd Arabiiasynyń áreketterine jaýap bolǵanyn málimdedi. Onyń aitýynsha, koroldik sońǵy táýlikte Iemen aýmaǵyna 120-dan astam áýe soqqysyn jasaǵan.
Eske salaiyq, buǵan deiin Er-Riiadtaǵy Korol Halid atyndaǵy halyqaralyq áýejaiǵa jasalǵan shabýyl saldarynan keminde 12 adam qaza taýyp, taǵy 309 adam jaralanǵany habarlanǵan edi. Shabýylǵa jaýapkershilik Iemendegi hýsitterge júktelgen. Olar áýejai nysanyna zymyran ushyrǵan degen aqparat taraǵan.
