11 qazanda Prezident Qasym-Jomart Toqaevtyń shaqyrýymen Belgiialyqtar Koroli Filipp jáne Patshaiym Matilda Qazaqstanǵa memlekettik saparmen keldi. Bir qyzyǵy Belgiia koroli Qazaqstanǵa qarapaiym reistik ushaqpen kelgen, dep habarlaidy dalanews.kz.
Korol men Patshaiym air Astana reisimen kelgen. Ashyq derekkózdegi málimet boiynsha, Belgiianyń úkimettik áýe parki bar, alaida onyń quramyndaǵy ushaqtar shaǵyn — A321 jáne Falcon úlgileri. Bul joly Qazaqstan delegatsiiasynyń quramynda 110 adam, onyń ishinde 25-ten astam bas direktor, rektorlar men ministrler bolǵandyqtan, uzaq qashyqtyqqa ushatyn keń fiýzeliajdy charterlik ushaq qajet boldy.
Munyń taǵy bir sebebi — simvoldyq máninde bolýy múmkin. Maýsym aiynda Qasym-Jomart Toqaevtyń Briýsselge sapary kezinde aviatsiia salasyndaǵy kelisimge qol qoiylyp, Air Astana kompaniiasynyń quny 7,145 mlrd eýro bolatyn ushaqtarǵa tapsyrysy maquldanǵan edi. Koroldi Air Astana ushaǵymen qarsy alý — eki tarap arasyndaǵy seriktestikti kórsetip, qabyldaýdy Qazaqstan tarapynyń uiymdastyrǵanyn bildiretin diplomatiialyq ishara.
Toqaev Qazaqstanǵa memlekettik saparmen kelgen Korol Filipp pen Patshaiym Matildany Prezident Qasym-Jomart elorda áýejaiynan qarsy aldy.
Qazaqstan Respýblikasy Áskeri áýe kúshteriniń ushaqtary memleket shekarasynan Astanaǵa deiin Korol men Patshaiym mingen bortqa qaptaldasa ushty.
Mártebeli meimandardy saltanatty túrde qarsy alý úshin ushý alańynda Qurmet qaraýyly rotasy men Prezidenttik orkestr sap túzedi.
