11 قازاندا پرەزيدەنت قاسىم-جومارت توقاەۆتىڭ شاقىرۋىمەن بەلگييالىقتار كورولٸ فيليپپ جەنە پاتشايىم ماتيلدا قازاقستانعا مەملەكەتتٸك ساپارمەن كەلدٸ. بٸر قىزىعى بەلگييا كورولٸ قازاقستانعا قاراپايىم رەيستٸك ۇشاقپەن كەلگەن, دەپ حابارلايدى dalanews.kz.
كورول مەن پاتشايىم air Astana رەيسٸمەن كەلگەن. اشىق دەرەككٶزدەگٸ مەلٸمەت بويىنشا, بەلگييانىڭ ٷكٸمەتتٸك ەۋە پاركٸ بار, الايدا ونىڭ قۇرامىنداعى ۇشاقتار شاعىن — A321 جەنە Falcon ٷلگٸلەرٸ. بۇل جولى قازاقستان دەلەگاتسيياسىنىڭ قۇرامىندا 110 ادام, ونىڭ ٸشٸندە 25-تەن استام باس ديرەكتور, رەكتورلار مەن مينيسترلەر بولعاندىقتان, ۇزاق قاشىقتىققا ۇشاتىن كەڭ فيۋزەلياجدى چارتەرلٸك ۇشاق قاجەت بولدى.
مۇنىڭ تاعى بٸر سەبەبٸ — سيمۆولدىق مەنٸندە بولۋى مٷمكٸن. ماۋسىم ايىندا قاسىم-جومارت توقاەۆتىڭ بريۋسسەلگە ساپارى كەزٸندە اۆياتسييا سالاسىنداعى كەلٸسٸمگە قول قويىلىپ, Air Astana كومپانيياسىنىڭ قۇنى 7,145 ملرد ەۋرو بولاتىن ۇشاقتارعا تاپسىرىسى ماقۇلدانعان ەدٸ. كورولدٸ Air Astana ۇشاعىمەن قارسى الۋ — ەكٸ تاراپ اراسىنداعى سەرٸكتەستٸكتٸ كٶرسەتٸپ, قابىلداۋدى قازاقستان تاراپىنىڭ ۇيىمداستىرعانىن بٸلدٸرەتٸن ديپلوماتييالىق يشارا.
توقاەۆ قازاقستانعا مەملەكەتتٸك ساپارمەن كەلگەن كورول فيليپپ پەن پاتشايىم ماتيلدانى پرەزيدەنت قاسىم-جومارت ەلوردا ەۋەجايىنان قارسى الدى.
قازاقستان رەسپۋبليكاسى ەسكەري ەۋە كٷشتەرٸنٸڭ ۇشاقتارى مەملەكەت شەكاراسىنان استاناعا دەيٸن كورول مەن پاتشايىم مٸنگەن بورتقا قاپتالداسا ۇشتى.
مەرتەبەلٸ مەيمانداردى سالتاناتتى تٷردە قارسى الۋ ٷشٸن ۇشۋ الاڭىندا قۇرمەت قاراۋىلى روتاسى مەن پرەزيدەنتتٸك وركەستر ساپ تٷزەدٸ.
