Qazaqstan benzin eń arzan elder tiziminde toǵyzynshy orynǵa ie boldy, dep habarlaidy Dalanews.kz.
Reitingti Globalpetrolprices basylymy jasaǵan.
Zertteý avtorlarynyń málimetinshe, Qazaqstanda benzinniń bir litriniń ortasha baǵasy 0,509 dollardy (245,5 teńge) quraidy. Al álem boiynsha ortasha baǵa – litrine 1,37 dollar (660,8 teńge).
Aita keteiik, jariialanymda AI-95 markaly benzin týraly aitylǵan. Alaida Qazaqstandaǵy iri janarmai quiý beketteriniń derekterine sáikes, bul benzinniń bólshek baǵasy aitarlyqtai joǵary – shamamen 315–320 teńge.
Qazaqstannan da arzan benzin myna elderde tirkelgen:
– Liviia – 0,023 dollar (11,11 teńge)
– Iran – 0,029 dollar (13,99 teńge)
– Venesýela – 0,035 dollar (16,88 teńge)
– Angola – 0,327 dollar (157,7 teńge)
– Kýveit – 0,342 dollar (164,96 teńge)
– Aljir – 0,356 dollar (171,71 teńge)
– Túrikmenstan – 0,432 dollar (208,37 teńge)
– Mysyr – 0,459 dollar (221,39 teńge)
Al eń qymbat benzin Daniiada (1 255 teńge), Malavide (1 378 teńge) jáne Gonkongte (1 913 teńge) tirkelgen.
Aita ketý kerek, ótken jyly osy reitingte Qazaqstan jetinshi orynda bolǵan. Bul joly eldiń tómendeýine tizimge Túrikmenstan men Angolanyń qosylýy áser etken.
