Pavlodar oblysynyń Jetikshi aýylynda kúnniń jylynýymen birge joldardy sý basyp, turǵyndar qiyn jaǵdaiǵa tap boldy, dep habarlaidy Dala News.
Qar erigennen keiin kei úilerdiń mańyn sý alyp, kei jerlerde sý tizeden asa kóterilgen. Sonyń saldarynan qozǵalys qiyndap, ýchaskeler sý kedergisine ainalǵan.
Sinoptikter buǵan deiin de birqatar óńirde sý tasqyny qaýpi baryn eskertken.
«Qazgidromet» boljamyna sáikes, 25–27 naýryz aralyǵynda:
– Aqmola oblysynda qardyń kúrt erýine bailanysty sý deńgeii kóterilýi múmkin,
– Pavlodar oblysynda muz álsirep, ózenderdegi sý artady,
– Soltústik Qazaqstan oblysynda joldardy sý basý qaýpi bar.
Mamandar turǵyndardy saq bolýǵa shaqyryp otyr.
