Astanada Qazaqstan Premer-ministri Oljas Bektenov pen Resei Úkimetiniń tóraǵasy Mihail Mishýstinniń kezdesýi ótti, dep habarlaidy Dala News.
Qazaqstanǵa jumys saparymen kelgen Mishýstinmen ótken kelissózder barysynda taraptar saýda-ekonomikalyq jáne investitsiialyq yntymaqtastyqty, ónerkásip, energetika, kólik salalaryndaǵy birlesken jobalardy, sondai-aq ekologiia baǵytyndaǵy ózara is-qimyldy talqylady.
Oljas Bektenov eki el arasyndaǵy qarym-qatynas jańa deńgeige kóterilgenin atap ótti.
«Memleket basshysy Qasym-Jomart Kemeluly Toqaev pen Vladimir Vladimirovich Pýtinniń birlesken kúsh-jigeriniń arqasynda qazaq-resei qatynastary ózara is-qimyldyń sapaly jańa deńgeiine kóterildi. Sońǵy jyldary ózara saýda kólemi 30 mlrd-tyq mejege edáýir jaqyndady», – dedi ol.
Úkimet basshysy Resei Qazaqstan ekonomikasyndaǵy negizgi investorlardyń biri ekenin de atap ótti. Máselen, sońǵy 20 jylda reseilik tikelei investitsiialar kólemi $28,5 mlrd-qa jetken. Al ótken jyldyń 9 aiynda Qazaqstanǵa $2,1 mlrd investitsiia tartylǵan.
Óz kezeginde Mihail Mishýstin Qazaqstandy jańa Konstitýtsiianyń qabyldanýymen quttyqtady.
«Sizdi jáne qazaqstandyqtardy tarihi oqiǵamen, jańa Konstitýtsiialaryńyzdyń qabyldanýymen shyn júrekten quttyqtaimyn. Referendým nátijesi Qazaqstan halqynyń el Prezidenti Qasym-Jomart Toqaevtyń baǵytyn qoldaitynyn kórsetti», – dedi ol.
Taraptar ekijaqty yntymaqtastyqty odan ári damytýǵa daiyn ekenderin bildirdi.
