Resei Kaspii qubyr konsortsiýmy arqyly munai jetkizýge shekteý qoiýdy amerikalyq kompaniialarǵa qysym jasaý quraly retinde qarastyrýy múmkin, dep habarlaidy Dalanews.kz.
Mundai qadamnyń sebebi – bul baǵyttyń negizgi benefitsiarlary bolyp sanalatyn Chevron men ExxonMobil siiaqty alpaýyttardyń antireseilik talaptardy buljytpai oryndaýy, dep jazady "Kstati" telegram arnasy.
Sarapshylardyń pikirinshe, mundai sharalar strategiialyq josparlaý deńgeiinde – eldiń munai-gaz sektoryndaǵy pozitsiiasyn kúsheitý tásili retinde talqylanýy múmkin. Alaida basty másele – yqtimal saldarynda. KQK arqyly álemdik munaidyń shamamen 1%-y tasymaldanady, sondyqtan kez kelgen irkilis Eýropada shikizat tapshylyǵyn týǵyzyp, Brent markaly munai baǵasyn barreline 200 dollarǵa deiin kóterýi yqtimal.
Sonymen qatar mundai shekteýler kelissózder taktikasynyń bir bóligi bolýy múmkin. Iaǵni olardy jeńildetý nemese tolyq alyp tastaý Reseige qatysty sanktsiialar qaita qaralǵan jaǵdaida, atap aitqanda «Gazprom», «Rosneft» jáne «Lýkoil» siiaqty kompaniialarǵa qatysty shekteýler ózgergen kezde múmkin bolmaq.
Ázirge resmi sheshim qabyldanǵan joq – konsortsiým 2025–2026 jyldary infraqurylymyna birneshe márte syrtqy yqpal jasalǵanyna qaramastan, jumysyn jalǵastyryp jatyr.
