Kaspii teńiziniń Aqtaý mańyndaǵy jaǵalaýynda aqqýlardyń jappai qyrylýy tirkeldi, dep habarlaidy Dala News.
Qaiǵyly jaǵdaidy rejisser Qanat Mailybaev Saiyn Shapaǵatov aýylynda teńiz jaǵasynda serýendep júrgende baiqaǵan.
Onyń aitýynsha, jaǵalaýda ondaǵan ólgen qus jatqan.
«Men shok boldym. Buryn mundai kóp qyrylǵan qusty kórmeppin», – dedi ol.
Aitýynsha, keibir aqqýlar jaqynda ólgen, al keibiri jaǵalaýda burynnan jatqan. Sonymen qatar bul jerge adamdar sirek baratyny baiqalady.
Aldyn ala boljam boiynsha, qyrylǵan qustar sany budan da kóp bolýy múmkin.
Oqiǵanyń naqty sebepteri ázirge belgisiz.
