Qazaqstan Premer-ministriniń birinshi orynbasary Roman Skliar Qytai Halyq ókilderi jinalysy Turaqty komitetiniń tóraǵasy Chjao Letszimen kezdesti, dep habarlaidy Dala News.
Kezdesý Qytaidyń Hainan provintsiiasyndaǵy Boao qalasynda ótken Aziia forýmynyń 25-shi sessiiasy aiasynda ótti.
Roman Skliar qytailyq áriptesin «eki sessiianyń» sátti ótýimen jáne Qytaidyń 2026–2030 jyldarǵa arnalǵan áleýmettik-ekonomikalyq damý josparynyń qabyldanýymen quttyqtady.
Sondai-aq ol Qazaqstanda 15 naýryzda ótken referendým nátijesinde jańa Konstitýtsiia qabyldanǵanyn atap ótip, bul el damýy úshin mańyzdy qadam ekenin aitty.
Kezdesý barysynda taraptar Qazaqstan men Qytai arasyndaǵy parlamentaralyq bailanystardyń nyǵaiýyn, saýda-ekonomikalyq yntymaqtastyqtyń qarqyndy damýyn, sondai-aq investitsiia, kólik jáne energetika salalaryndaǵy ózara is-qimyldy talqylady.
Óz kezeginde Chjao Letszi Qazaqstanmen joǵary deńgeidegi senimge negizdelgen strategiialyq áriptestikke Qytai erekshe mán beretinin aitty.
Ol sondai-aq Prezident Qasym-Jomart Toqaev bastamashylyq etken reformalardy qoldaitynyn jetkizdi.
Taraptar BUU, ShYU, AÓSShK jáne «Ortalyq Aziia – Qytai» formattaryndaǵy kópjaqty yntymaqtastyqtyń mańyzyn atap ótti.
