QMA Astana qalasy boiynsha departamenti astanalyq blogerge memleketaralyq izdeýge jariialady, dep habarlaidy Dalanews.kz.
Iývashev Iliar Salavatovich, 23.06.1998 j.t., Qazaqstan Respýblikasynyń azamaty, andersonchik1 laqap atymen tanymal bloger.
Ol elimiz aýmaǵynda litsenziiasyz jumys istegen zańsyz internet-kazino qyzmetin uiymdastyrýǵa járdemdesti degen kúdikke ilindi.
Tergeý derekterine sáikes, I.S. Iývashev 2024–2025 jyldary internet-kazino jelisin qurýǵa jáne basqarýǵa qatysqan, onyń ishinde mellstroy.game resýrsy da bar.
Qarjy aǵyndaryn zańdastyrý jáne operatsiialardy jasyrý maqsatynda 22 jalǵan zańdy tulǵa tirkelip, POS-terminaldar men elektrondy tólem quraldary paidalanylǵan. Osy arqyly oiynshylardan 3,6 mlrd teńgeden astam qarajat túsken.
Izdestirilip jatqan tulǵanyń ornalasqan jeri týraly qandai da bir málimet belgili bolǵan jaǵdaida, Astana qalasy boiynsha Ekonomikalyq tergep-tekserý departamentine habarlaýlaryńyzdy suraimyz:
+7 7172 70 84 79 (ish.21384) – kezekshi bólim;
Call-ortalyq: 1458.
Aqparat bergen tulǵalarǵa syiaqy qarastyrylǵan, qupiialylyq saqtalady.
Eske salamyz, QMA Astana qalasy boiynsha departamenti Belarýs Respýblikasynyń azamaty, «Mellstroy» atymen belgili bloger Andrei Býrimge qatysty qylmystyq isti tergeýdi jalǵastyrýda.
Internet-kazinony nasihattaý úshin bloger túrli utys oiyndary men chellendjder uiymdastyrǵan.
Qatysýshylarǵa TikTok, YouTube Shorts jáne basqa da áleýmettik jelilerde Mellstroy brendi, kazino logotipteri men sait siltemeleri kórsetilgen beinerolikter túsirý usynylǵan.
Býrim halyqaralyq izdeýge jariialanǵan.
Aita ketý kerek, internet-kazino qyzmeti eleýli áleýmettik jáne ekonomikalyq ziian keltirgen: azamattardy, sonyń ishinde kámeletke tolmaǵandardy qumar oiyndarǵa tartý, lýdomaniianyń artýy, tabystyń joǵalýy jáne kapitaldyń ofshorlyq aimaqtarǵa shyǵarylýy.
