Almaty oblysynyń Eńbekshiqazaq aýdanynda taýda joǵalǵan otbasyn izdeý operatsiiasy aiaqtaldy, dep habarlaidy Dalanews.kz TJM baspasóz qyzmetine silteme jasap.
Eki eresek adam men eki bala Shonjy aýylyna jaqyn demalys aimaǵynan Almatyǵa qarai kólikpen shyqqan, alaida jolda bailanysqa shyqpai qoiǵan.
Túni boiy Almaty oblysynyń qutqarýshylary men «Barys» jasaǵy úiine oralmaǵan otbasyn izdedi. Izdeý jumystary kúrdeli jaǵdaida ótti: otbasy basshysynyń uialy telefony óshirýli bolǵan, al taýly aimaqta qar qalyń túsken.
Telefon billingi arqyly baǵytty anyqtap, Bartoǵai sý qoimasy mańyn tekserý barysynda qutqarýshylar 24 naýryz kúni tańǵy saǵat beste Assy ústirti aýdanynan joǵalǵandardy tapty. Olardyń jol talǵamaityn kóligi qarǵa batyp, qozǵala almai qalǵan.
Qutqarýshylar eresekter men balalarǵa meditsinalyq kómek qajet emes ekenine kóz jetkizgennen keiin kólikti tazartylǵan jol bóligine deiin súirep shyǵardy.TJM ókilderi taýly aimaqtarǵa sapar josparlaǵanda aýa raiy men jol jaǵdaiyn eskerýdi eskertedi. Marshrýttyń qaýipsizdigine kóz jetkizbei jolǵa shyqpaý qajet.
