الماتى وبلىسىنىڭ ەڭبەكشٸقازاق اۋدانىندا تاۋدا جوعالعان وتباسىن ٸزدەۋ وپەراتسيياسى اياقتالدى, دەپ حابارلايدى Dalanews.kz تجم باسپاسٶز قىزمەتٸنە سٸلتەمە جاساپ.
ەكٸ ەرەسەك ادام مەن ەكٸ بالا شونجى اۋىلىنا جاقىن دەمالىس ايماعىنان الماتىعا قاراي كٶلٸكپەن شىققان, الايدا جولدا بايلانىسقا شىقپاي قويعان.
تٷنٸ بويى الماتى وبلىسىنىڭ قۇتقارۋشىلارى مەن «بارىس» جاساعى ٷيٸنە ورالماعان وتباسىن ٸزدەدٸ. ٸزدەۋ جۇمىستارى كٷردەلٸ جاعدايدا ٶتتٸ: وتباسى باسشىسىنىڭ ۇيالى تەلەفونى ٶشٸرۋلٸ بولعان, ال تاۋلى ايماقتا قار قالىڭ تٷسكەن.
تەلەفون بيللينگٸ ارقىلى باعىتتى انىقتاپ, بارتوعاي سۋ قويماسى ماڭىن تەكسەرۋ بارىسىندا قۇتقارۋشىلار 24 ناۋرىز كٷنٸ تاڭعى ساعات بەستە اسسى ٷستٸرتٸ اۋدانىنان جوعالعانداردى تاپتى. ولاردىڭ جول تالعامايتىن كٶلٸگٸ قارعا باتىپ, قوزعالا الماي قالعان.
قۇتقارۋشىلار ەرەسەكتەر مەن بالالارعا مەديتسينالىق كٶمەك قاجەت ەمەس ەكەنٸنە كٶز جەتكٸزگەننەن كەيٸن كٶلٸكتٸ تازارتىلعان جول بٶلٸگٸنە دەيٸن سٷيرەپ شىعاردى.تجم ٶكٸلدەرٸ تاۋلى ايماقتارعا ساپار جوسپارلاعاندا اۋا رايى مەن جول جاعدايىن ەسكەرۋدٸ ەسكەرتەدٸ. مارشرۋتتىڭ قاۋٸپسٸزدٸگٸنە كٶز جەتكٸزبەي جولعا شىقپاۋ قاجەت.
