Sholpan aýylyndaǵy sary aýrýǵa qatysty jańa derekter shyqty
Arnaiy komissiiany ShQO Qoǵamdyq densaýlyq saqtaý departamenti basshysynyń orynbasary Nurlanǵazy Ibraev basqarǵan. Komissiia quramyna QR Densaýlyq saqtaý ministrliginiń sarapshylary, atap aitqanda, QR DSM Qoǵamdyq densaýlyq saqtaý basqarmasynyń basshysy Roza Qojapova, Infektsiialyq jáne parazittik aýrýlardy epidemiologiialyq monitoringileý departamentiniń direktory Manar Smaǵul, S.D.Asfendiiarov at. QazUMÝ balalar juqpaly aýrýlary kafedrasynyń dotsenti Marina Golovenko kirgen.
Respýblikalyq komissiiamen qatar, ShQO Densaýlyq saqtaý basqarmasynyń komissiiasy da qurylǵanyn aita ketken jón. Oǵan basqarma basshysy Raifa Safiollinova jetekshilik etti.
Komissiia jumysy barysynda Úrjar aýdandyq ortalyq aýrýhanasynyń bas dárigeri J.B.Tileýberlinniń BAQ ókilderine balalardyń A gepatiti juqpasyn juqtyrýyna qatysty jańylys aqparat bergeni anyqtaldy.
2018 jylǵy qańtar aiynyń 16 kúnine belgili bolǵan aqparat kelesidei – 2017 jylǵy qyrkúiek aiy men 2018 jylǵy qańtar aiy aralyǵynda naýqaspen qarym-qatynasta bolǵan 46 bala tekserilýden ótti. Olardyń 25-si aýdandyq aýrýhananyń juqpaly aýrýlar bólimshesine jatqyzylǵan. Bólimshege jatqyzylǵandardyń 12-de sary aýyrý diagnozy rastalyp otyr.
Sonymen qatar respýblikalyq jáne oblystyq komissiia Sholpan aýylyndaǵy dárigerlik ambýlatoriiaǵa taǵy 19 adamnyń meditsinalyq kómekke júgingenin anyqtady. Alaida aýdandyq aýrýhana basshylyǵynyń epidemiologiialyq jaǵdaiǵa nemqurailyǵy kesirinen aýdannyń qoǵamdyq densaýlyq saqtaý basqarmasyna ambýlatoriia basshylyǵy dereý málimet bermegen. Saldarynan 19 naýqas resmi statistikaǵa eńgizilgei qalǵan. Olardyń barlyǵy der kezinde ambýlatroiialyq deńgeide emdeýden ótken. Qazirgi ýaqytta olardyń densaýlyǵy qalypty jáne janyndaǵy adamdarǵa qaýip tóndirmeidi.
Komissiiaǵa Sholpan aýylyny turǵyndary tarapynan kámelettik jasqa tolmaǵan balany Úrjar aýdandyq ortalyq aýrýhanasyna jetkizý úshin jáne dári-dármek alý úshin ata-anasynyń aqsha tólegeni jaily shaǵym tústi.
Qazirgi ýaqytta bir balanyń qaitys bolýyna bailanysty qyzmettik tekserý júrgizilip jatyr. Mamandar atalmysh aýyldaǵy marqum bolǵan qyz balada gepatittiń A túri emes, fýlminantty, iaǵni basqa aýyr túri men ótkir baýyr nekrozy bolýy múmkin dep otyr. Qortyndysy IIB tekserý amaldarynan keiin jariialanady.
Jalpy tekserý nátijesinde aýdandyq ortalyq aýrýhana basshylyǵy óreskel buzýshylyqtarǵa jol bergen: turǵyndarǵa meditsinalyq kómek kórsetý men onyń sapasyn qadaǵalaý nemquraily júrgizilgen, sanitarlyq talap erejesi oryndalmaǵan, diagnostika jasaý men emdeý protokoly saqtalmaǵan, tirkeýge alý-esep berý qujattary durys júrgizilmegen.
Anyqtalǵan buzýshylyqtar boiynsha taiaý arada Úrjar aýdandyq ortalyq aýrýhanasyndaǵy jaýapty tulǵalarǵa qatysty shara qoldanylatyn bolady.
Al ázirge juqpaly A gepatitine qatysty oblys pen Úrjar aýdanynda jaǵdai turaqty, maýsymdyq aýytqýdyń uiǵaryndy sheginde dep otyr mamandar. Sholpan aýlyna keler bolsaq, naýqastarmen qatynasta bolǵan 140 balaǵa juqpaly A gepatitine qarsy ekpe jasalǵan. Barlyq úiler men aýyldaǵy mektepke dezinfektsiia jasalyp, aýyz sýdan 62 ret synama alynyp, taza ekeni anyqtaldy.
