Qostanaida Rýdnyi qalasynyń burynǵy prokýrory Murat Ýspanovqa úkim shyǵaryldy. Ony qurylys bólimindegi tekserýlerdi toqtatý úshin 20 mln teńge para alý áreketinde aiyptaǵany týraly habarlaidy Dalanews.kz. “TobolInfo” silteme jasap.
Murat Ýspanov óziniń kinásin moiyndady, sondyqtan is qysqartylǵan tártippen qaraldy. Úsh otyrystan keiin sot úkim shyǵardy.
Rýdnyi qalasynyń burynǵy prokýrory orta qaýipsizdigi bar koloniiada 4,5 jylǵa bas bostandyǵynan aiyryldy jáne memlekettik qyzmette jumys isteýge ómir boiyna tyiym salyndy. Sonymen qatar, ol «quqyq jónindegi aǵa keńesshi» sheninen aiyryldy.
Oǵan berilgen jaza merzimi jumsartatyn jaǵdailarǵa bailanysty aitarlyqtai qysqartyldy – kámeletke tolmaǵan balalarynyń bolýy, ókinýi jáne kinásin moiyndaýy.
