قوستانايدا رۋدنىي قالاسىنىڭ بۇرىنعى پروكۋرورى مۇرات ۋسپانوۆقا ۇكىم شىعارىلدى. ونى قۇرىلىس بولىمىندەگى تەكسەرۋلەردى توقتاتۋ ءۇشىن 20 ملن تەڭگە پارا الۋ ارەكەتىندە ايىپتاعانى تۋرالى حابارلايدى Dalanews.kz. “توبولينفو” سىلتەمە جاساپ.
مۇرات ۋسپانوۆ ءوزىنىڭ كىناسىن مويىندادى، سوندىقتان ءىس قىسقارتىلعان تارتىپپەن قارالدى. ءۇش وتىرىستان كەيىن سوت ۇكىم شىعاردى.
رۋدنىي قالاسىنىڭ بۇرىنعى پروكۋرورى ورتا قاۋىپسىزدىگى بار كولونيادا 4،5 جىلعا باس بوستاندىعىنان ايىرىلدى جانە مەملەكەتتىك قىزمەتتە جۇمىس ىستەۋگە ءومىر بويىنا تىيىم سالىندى. سونىمەن قاتار، ول «قۇقىق جونىندەگى اعا كەڭەسشى» شەنىنەن ايىرىلدى.
وعان بەرىلگەن جازا مەرزىمى جۇمسارتاتىن جاعدايلارعا بايلانىستى ايتارلىقتاي قىسقارتىلدى – كامەلەتكە تولماعان بالالارىنىڭ بولۋى، وكىنۋى جانە كىناسىن مويىنداۋى.
