Jetisýda 111 ýchaskelik politsiia pýnkti salynady
Keńeste oblystaǵy ishki ister organdarynyń 2017 jylǵy jumysynyń qorytyndylary men aldaǵy mindetteri týraly IID bastyǵy, politsiia general-maiory M. Urumhanov baiandama jasady.
Baiandamashynyń aitýynsha, oblystaǵy quqyqtyq tártip turaqty baqylaýda. Ótken jyly qylmys jasaý on myń adamǵa shaqqanda 137-den 126-ǵa, jalpy sany 6,8 % tómendegen. Qylmystyń ashylý kórsetkishi artqan, sonyń ishinde aýyr qylmystardy ashý 63,0 %-ten 65,8%, asa aýyr qylmys – 92,2-den 94,7%, tonaý 61,5-ten 67,6%, bótenniń múlkin urlaý – 33,7-den 37,8%-ke ósken. Vedomstvolyq baǵdarlama sheńberinde 13 jedel aldyn alý sharalary, atap aitqanda «Mal urlyǵy», «Páter», «Uialy telefon» siiaqty kóptegen aldyn alý sharalary uiymdastyrylǵan. Málihattyń sheshimimen «Malshy-mal iesi-jergilikti atqarýshy organ» printsipimen úsh jaqty kelisim jasaý men mal jaiý erejeleriniń jobalary bekitildi. Bul óz kezeginde mal urlyǵynyń aldyn alýǵa septesetin bolady.
Sonymen qatar M. Urumhanov uiymdasqan qylmyspen, esirtki saýdasymen bailanysty qylmyspen, ekstremizmmen kúres, IID organdarynyń materialdyq-tehnikalyq bazasyn nyǵaitý sharalaryna da keńinen toqtalyp ótti.
Osy jiynda oblystyq IID Jergilikti politsiia qyzmetiniń bastyǵy, politsiia polkovnigi M. Kúshtibaev, Alakól aýdandyq IIB bastyǵy, politsiia podpolkovnigi A. Ábdirahmanov, Eńbekshiqazaq aýdandyq IIB JPQ bastyǵy, politsiia podpolkovnigi A. Júnisov baiandama jasady.
Basqosýda sóz alǵan oblys ákiminiń birinshi orynbasary L. Turlashov Elbasynyń biylǵy Joldaýynda azamattardyń konstitýtsiialyq quqyqtaryn saqtaýǵa, onyń ústemdigin qamtamasyz etýge, quqyq qorǵaý qyzmetin gýmanizatsiialaý maqsatynda beinebaqylaýdyń intellektýaldyq júiesin engizýge erekshe kóńil bólingenin atap ótti. Soǵan sáikes oblys aýmaǵynda syrtqy beinebaqylaý kameralaryn ornatý jumystary odan ári de jalǵastyrylatynyn aitty. Máselen, Ishki ister organdaryna jumys sapasyn joǵarylatý úshin 2017 jyly 11,9 mlrd. teńge bólinse, onyń 3,2 mlrd.teńgesi materialdyq-tehnikalyq bazany nyǵaitýǵa baǵyttaldy. Taldyqorǵan qalasynda Kinologiialyq qyzmet ortalyǵy qurylyp, jabdyqtaldy. Ishki ister salasyna basqa da qoldaý sharalary turaqty kórsetilip keledi.
– Kórsetilip otyrǵan qoldaý budan bylai da jalǵasa bermek. Soǵan sáikes sizder óz taraptaryńyzdan qylmysty azaitý, aldyn alý jumystaryn júrgizý sapasyn jáne qylmystardyń ashylý deńgeiin joǵarylatý boiynsha sharalar qabyldańyzdar. Qoǵamda «múlde tózbeýshilik» qaǵidatyn qalyptastyrýǵa qatysty túsindirý jáne aldyn alý jumystary turaqty júrgizilýi tiis. Jol-kólik oqiǵalarynyń deńgeiin tómendetýge baǵyttalǵan jumystar jalǵastyrylyp, jol qozǵalysyna qatysýshylardyń qaýipsizdigine jaǵdai jasaý úshin naqty sharalar qabyldansyn. Bul oraida mamandardyń sapalyq quramyna, kásibiligine erekshe mán berýdi suraimyn, – dedi, L. Turlashov.
Jiyn sońynda jyl qorytyndysy boiynsha úzdik dep tanylǵan aýdandyq IIB, úzdik ýchaskelik politsiia, úzdik tergeýshi jáne basqa da qatardaǵy politsiia qyzmetkerleri oblys ákiminiń, QR Ishki ister ministrliginiń, oblystyq IID –niń qurmet gramotalarymen, oblys ákiminiń alǵys hatymen marapattaldy.
Sondai-aq oblys ákimi A. Batalovtyń atyna QR Ishki ister ministrliginiń Qurmet gramotasy berildi.
Almaty oblysy ákiminiń baspasóz qyzmeti.
