كەڭەستە وبلىستاعى ىشكى ىستەر ورگاندارىنىڭ 2017 جىلعى جۇمىسىنىڭ قورىتىندىلارى مەن الداعى مىندەتتەرى تۋرالى ءىىد باستىعى، پوليسيا گەنەرال-مايورى م. ۇرۇمحانوۆ بايانداما جاسادى.
بايانداماشىنىڭ ايتۋىنشا، وبلىستاعى قۇقىقتىق ءتارتىپ تۇراقتى باقىلاۋدا. وتكەن جىلى قىلمىس جاساۋ ون مىڭ ادامعا شاققاندا 137-دەن 126-عا، جالپى سانى 6،8 % تومەندەگەن. قىلمىستىڭ اشىلۋ كورسەتكىشى ارتقان، سونىڭ ىشىندە اۋىر قىلمىستاردى اشۋ 63،0 %-تەن 65،8%، اسا اۋىر قىلمىس – 92،2-دەن 94،7%، توناۋ 61،5-تەن 67،6%، بوتەننىڭ مۇلكىن ۇرلاۋ – 33،7-دەن 37،8%-كە وسكەن. ۆەدومستۆولىق باعدارلاما شەڭبەرىندە 13 جەدەل الدىن الۋ شارالارى، اتاپ ايتقاندا «مال ۇرلىعى»، «پاتەر»، «ۇيالى تەلەفون» سياقتى كوپتەگەن الدىن الۋ شارالارى ۇيىمداستىرىلعان. ءماليحاتتىڭ شەشىمىمەن «مالشى-مال يەسى-جەرگىلىكتى اتقارۋشى ورگان» پرينسيپىمەن ءۇش جاقتى كەلىسىم جاساۋ مەن مال جايۋ ەرەجەلەرىنىڭ جوبالارى بەكىتىلدى. بۇل ءوز كەزەگىندە مال ۇرلىعىنىڭ الدىن الۋعا سەپتەسەتىن بولادى.
سونىمەن قاتار م. ۇرۇمحانوۆ ۇيىمداسقان قىلمىسپەن، ەسىرتكى ساۋداسىمەن بايلانىستى قىلمىسپەن، ەكسترەميزممەن كۇرەس، ءىىد ورگاندارىنىڭ ماتەريالدىق-تەحنيكالىق بازاسىن نىعايتۋ شارالارىنا دا كەڭىنەن توقتالىپ ءوتتى.
وسى جيىندا وبلىستىق ءىىد جەرگىلىكتى پوليسيا قىزمەتىنىڭ باستىعى، پوليسيا پولكوۆنيگى م. كۇشتىبايەۆ، الاكول اۋداندىق ءىىب باستىعى، پوليسيا پودپولكوۆنيگى ا. ءابدىراحمانوۆ، ەڭبەكشىقازاق اۋداندىق ءىىب جپق باستىعى، پوليسيا پودپولكوۆنيگى ا. ءجۇنىسوۆ بايانداما جاسادى.
باسقوسۋدا ءسوز العان وبلىس اكىمىنىڭ ءبىرىنشى ورىنباسارى ل. تۇرلاشوۆ ەلباسىنىڭ بيىلعى جولداۋىندا ازاماتتاردىڭ كونستيتۋسيالىق قۇقىقتارىن ساقتاۋعا، ونىڭ ۇستەمدىگىن قامتاماسىز ەتۋگە، قۇقىق قورعاۋ قىزمەتىن گۋمانيزاسيالاۋ ماقساتىندا بەينەباقىلاۋدىڭ ينتەللەكتۋالدىق جۇيەسىن ەنگىزۋگە ەرەكشە كوڭىل بولىنگەنىن اتاپ ءوتتى. سوعان سايكەس وبلىس اۋماعىندا سىرتقى بەينەباقىلاۋ كامەرالارىن ورناتۋ جۇمىستارى ودان ءارى دە جالعاستىرىلاتىنىن ايتتى. ماسەلەن، ىشكى ىستەر ورگاندارىنا جۇمىس ساپاسىن جوعارىلاتۋ ءۇشىن 2017 جىلى 11،9 ملرد. تەڭگە بولىنسە، ونىڭ 3،2 ملرد.تەڭگەسى ماتەريالدىق-تەحنيكالىق بازانى نىعايتۋعا باعىتتالدى. تالدىقورعان قالاسىندا كينولوگيالىق قىزمەت ورتالىعى قۇرىلىپ، جابدىقتالدى. ىشكى ىستەر سالاسىنا باسقا دا قولداۋ شارالارى تۇراقتى كورسەتىلىپ كەلەدى.
– كورسەتىلىپ وتىرعان قولداۋ بۇدان بىلاي دا جالعاسا بەرمەك. سوعان سايكەس سىزدەر ءوز تاراپتارىڭىزدان قىلمىستى ازايتۋ، الدىن الۋ جۇمىستارىن جۇرگىزۋ ساپاسىن جانە قىلمىستاردىڭ اشىلۋ دەڭگەيىن جوعارىلاتۋ بويىنشا شارالار قابىلداڭىزدار. قوعامدا «مۇلدە توزبەۋشىلىك» قاعيداتىن قالىپتاستىرۋعا قاتىستى ءتۇسىندىرۋ جانە الدىن الۋ جۇمىستارى تۇراقتى جۇرگىزىلۋى ءتيىس. جول-كولىك وقيعالارىنىڭ دەڭگەيىن تومەندەتۋگە باعىتتالعان جۇمىستار جالعاستىرىلىپ، جول قوزعالىسىنا قاتىسۋشىلاردىڭ قاۋىپسىزدىگىنە جاعداي جاساۋ ءۇشىن ناقتى شارالار قابىلدانسىن. بۇل ورايدا مامانداردىڭ ساپالىق قۇرامىنا، كاسىبيلىگىنە ەرەكشە ءمان بەرۋدى سۇرايمىن، – دەدى، ل. تۇرلاشوۆ.
جيىن سوڭىندا جىل قورىتىندىسى بويىنشا ۇزدىك دەپ تانىلعان اۋداندىق ءىىب، ۇزدىك ۋچاسكەلىك پوليسيا، ۇزدىك تەرگەۋشى جانە باسقا دا قاتارداعى پوليسيا قىزمەتكەرلەرى وبلىس اكىمىنىڭ، ق ر ىشكى ىستەر مينيسترلىگىنىڭ، وبلىستىق ءىىد –ءنىڭ قۇرمەت گراموتالارىمەن، وبلىس اكىمىنىڭ العىس حاتىمەن ماراپاتتالدى.
سونداي-اق وبلىس اكىمى ا. باتالوۆتىڭ اتىنا ق ر ىشكى ىستەر مينيسترلىگىنىڭ قۇرمەت گراموتاسى بەرىلدى.
الماتى وبلىسى اكىمىنىڭ باسپا ءسوز قىزمەتى.
