Shyǵystyń qarttary kompiýter úirenip jatyr
Shyǵys Qazaqstan oblysynda 240 myńǵa jýyq zeinetker bar. Búginde olardyń tek 2-3% kompiýter meńgergen jáne ǵalamtor jelisin erkin paidalanady eken. Bul másele aimaq basshysynyń qoǵamdyq keńes aldynda esep berý kezinde tilge tiek etildi. Oblystyq ardagerler keńesiniń tóraǵasy jastary egde tartsa da, qariialardyń jańa tehnologiialardy meńgerýge degen yntasy zor ekenin aitady. Máselen, tek kommýnaldyq qyzmetter aqysyn tóleý úshin ári-beri qatynaý zeinetkerlerge asa qiyn. Al úiden shyqpai-aq, internet arqyly tóleý isti jeńildetpek.
– Kommýnaldyq qyzmet aqysyn tóleý úshin ardagerler bankke «júz ret» barýlary tiis. Ári abonenttik bólimsheler ár basqa jerde ornalasqan. Aýa-raiynyń qolaisyzdyǵyna qaramastan dalaǵa shyǵýǵa, ári árbir qyzmet úshin komissiialyq syiaqy tóleýge májbúr. Sondyqtan, úide otyryp, kompiýter arqyly tólem engizý yńǵaily ǵana emes, únemdi de bolaq, – deidi Aitqazy Sherýbaev.
ShQO ákimi zeinetkerlerdiń bastamasyn birden qoldady. Tsifrly tehnologiialar ǵasyrynda bul bastama qarttarǵa keremet kómek ekenin atap ótti. Elbasy tapsyrmasyna sai aldaǵy eki jylda, oblys ákiminiń aitýynsha, óńirdiń barlyq aýyldaryna joǵary sapaly ǵalamtor jelisi tartylady.
– Ýaqyt talaby mobildi bolýymyzdy qalaidy. Qazirgi tańda kóptegen máselelerdi smartfondar, kompiýterlerdiń kómegimen sheshýge bolady. Siz jaqsy másele kóterdińiz. Sózsiz ardagerlerdiń kompiýterlik saýatyn arttyrý, úiretý qajet. Usynys engizińizder, biz qarjylandyrý jaǵyn qarastyramyz, – dedi ShQO ákimi Danial Ahmetov.
ShQO ákiminiń baspasóz qyzmeti
