Túrkistanda «Tarihi tańdaý» atty kóshpeli ekskýrsiia ótti
Basqosýda alǵashqy bolyp sóz alǵan Ámirhan Rahymjanov qazaq halqynyń tarihymen tyǵyz bailanysty kóne shahardyń biri - qasietti Túrkistan qalasynda kóshpeli kórme jobasyn jalǵastyrý - úlken mańyzǵa ie ekendigin aitty.
– Elbasymyz rýhani jańǵyrýdyń jańa belesterin bastaǵany barshamyzǵa aian. «N. Nazarbaev: dáýir, tulǵa, qoǵam» kóshpeli kórmesi aiasynda Túrkistan qalasynda ekskýrsiiamyzdy uiymdastyryp otyrmyz. Osy materialdardy jinaqtap, zerttep, zerdelep, muqiiat saqtap otyrǵan jalǵyz mekeme – QR Tuńǵysh Prezidenti – Elbasynyń kitaphanasy. Memleket basshysynyń táýelsiz Qazaqstannyń qalyptasýyndaǵy sheshýshi rólin jan-jaqty kórsetetin bul joba búkil el turǵyndarynyń nazaryna usynylyp keledi. Elbasynyń Táýelsiz Qazaqstan taǵdyryndaǵy qairatkerligin muraǵat qujattary men jádigerler arqyly júieli túrde keńinen nasihattaityn bul kóshpeli jobanyń mańyzy zor, – dedi Ámirhan Muratbekuly.
Ońtústik Qazaqstan oblysy ákiminiń orynbasary Ulasbek Sádibekov is-sharany uiymdastyrýshylarǵa alǵysyn bildirip, kóshpeli ekskýrsiianyń mańyzdylyǵyna toqtaldy.
– Elbasymyzdyń qairatkerlik jolyndaǵy barlyq mańyzdy qujattary toptastyrylǵan bul kórmeniń orny erekshe. Óskeleń urpaqqa úlken tálim, taǵylym, jiger syilaityny anyq. Mundai sharanyń bizdiń óńirde ótip jatqandyǵy qýantady, – dedi Ulasbek Sádibekuly.
Elbasy kitaphanasynyń «Tarihi tańdaý» kóshpeli ekskýrsiia kórmesin tamashalaýǵa Túrkistan jurtshylyǵy belsene qatysty. Kelýshilerge N.Á.Nazarbaevtyń komsomol-metallýrgten bastap, QazKSR Ministrler Keńesiniń tóraǵasy, Qazaqstan KP OK birinshi hatshysy, Joǵarǵy Keńes tóraǵasy jáne QR Tuńǵysh Prezidentine deiingi eńbek joly jaily baiandaityn mańyzdy materialdar usynyldy. Sondai-aq, jurtshylyq nazaryna Prezidenttiń sirek kezdesetin beineshejire kadrlary men fotosýretter kórsetildi.
OQO ákiminiń baspaóz qyzmeti
