تٷركٸستاندا «تاريحي تاڭداۋ» اتتى كٶشپەلٸ ەكسكۋرسييا ٶتتٸ
باسقوسۋدا العاشقى بولىپ سٶز العان ەمٸرحان راحىمجانوۆ قازاق حالقىنىڭ تاريحىمەن تىعىز بايلانىستى كٶنە شاھاردىڭ بٸرٸ - قاسيەتتٸ تٷركٸستان قالاسىندا كٶشپەلٸ كٶرمە جوباسىن جالعاستىرۋ - ٷلكەن ماڭىزعا يە ەكەندٸگٸن ايتتى.
– ەلباسىمىز رۋحاني جاڭعىرۋدىڭ جاڭا بەلەستەرٸن باستاعانى بارشامىزعا ايان. «ن. نازارباەۆ: دەۋٸر, تۇلعا, قوعام» كٶشپەلٸ كٶرمەسٸ اياسىندا تٷركٸستان قالاسىندا ەكسكۋرسييامىزدى ۇيىمداستىرىپ وتىرمىز. وسى ماتەريالداردى جيناقتاپ, زەرتتەپ, زەردەلەپ, مۇقييات ساقتاپ وتىرعان جالعىز مەكەمە – قر تۇڭعىش پرەزيدەنتٸ – ەلباسىنىڭ كٸتاپحاناسى. مەملەكەت باسشىسىنىڭ تەۋەلسٸز قازاقستاننىڭ قالىپتاسۋىنداعى شەشۋشٸ رٶلٸن جان-جاقتى كٶرسەتەتٸن بۇل جوبا بٷكٸل ەل تۇرعىندارىنىڭ نازارىنا ۇسىنىلىپ كەلەدٸ. ەلباسىنىڭ تەۋەلسٸز قازاقستان تاعدىرىنداعى قايراتكەرلٸگٸن مۇراعات قۇجاتتارى مەن جەدٸگەرلەر ارقىلى جٷيەلٸ تٷردە كەڭٸنەن ناسيحاتتايتىن بۇل كٶشپەلٸ جوبانىڭ ماڭىزى زور, – دەدٸ ەمٸرحان مۇراتبەكۇلى.
وڭتٷستٸك قازاقستان وبلىسى ەكٸمٸنٸڭ ورىنباسارى ۇلاسبەك سەدٸبەكوۆ ٸس-شارانى ۇيىمداستىرۋشىلارعا العىسىن بٸلدٸرٸپ, كٶشپەلٸ ەكسكۋرسييانىڭ ماڭىزدىلىعىنا توقتالدى.
– ەلباسىمىزدىڭ قايراتكەرلٸك جولىنداعى بارلىق ماڭىزدى قۇجاتتارى توپتاستىرىلعان بۇل كٶرمەنٸڭ ورنى ەرەكشە. ٶسكەلەڭ ۇرپاققا ٷلكەن تەلٸم, تاعىلىم, جٸگەر سىيلايتىنى انىق. مۇنداي شارانىڭ بٸزدٸڭ ٶڭٸردە ٶتٸپ جاتقاندىعى قۋانتادى, – دەدٸ ۇلاسبەك سەدٸبەكۇلى.
ەلباسى كٸتاپحاناسىنىڭ «تاريحي تاڭداۋ» كٶشپەلٸ ەكسكۋرسييا كٶرمەسٸن تاماشالاۋعا تٷركٸستان جۇرتشىلىعى بەلسەنە قاتىستى. كەلۋشٸلەرگە ن.ە.نازارباەۆتىڭ كومسومول-مەتاللۋرگتەن باستاپ, قازكسر مينيسترلەر كەڭەسٸنٸڭ تٶراعاسى, قازاقستان كپ وك بٸرٸنشٸ حاتشىسى, جوعارعى كەڭەس تٶراعاسى جەنە قر تۇڭعىش پرەزيدەنتٸنە دەيٸنگٸ ەڭبەك جولى جايلى باياندايتىن ماڭىزدى ماتەريالدار ۇسىنىلدى. سونداي-اق, جۇرتشىلىق نازارىنا پرەزيدەنتتٸڭ سيرەك كەزدەسەتٸن بەينەشەجٸرە كادرلارى مەن فوتوسۋرەتتەر كٶرسەتٸلدٸ.
وقو ەكٸمٸنٸڭ باسپاٶز قىزمەتٸ
