«Jarqyn bolashaq» olimpiadasy bastaldy
– Biz oqýshylardyń memlekettik tilge degen qyzyǵýshylyǵyn oiatýdy kózdei otyryp, qazaq halqynyń salt-dástúri, ádebi jáne rýhani murasyn nasihattaýdy qolǵa aldyq. Mundai baiqaýlar arqyly oqýshylardyń shyǵarmashylyq qabileti men mádeni kózqarasyn damytýdy maqsat tutyp otyrmyz, – deidi baiqaýdyń uiymdastyrýshylary.
Bilim saiysynda 7-10 synyp oqýshylarynyń memlekettik tildi meńgerý deńgeii men qazaq halqynyń ádebieti, tarihy jáne salt-dástúri boiynsha bilimderi synalamaq.
Jyl saiynǵy dástúrli olimpiada aýdandyq, oblystyq jáne respýblikalyq kezeńderden turady. Baiqaýǵa qatysýshylar «Tilshi-ádebietshiler», «Sóz sheberleri», «Ánshi bulbuldar», «Jas ǵalymdar», «Jazýshylar» atty bes baǵyt boiynsha baq synaidy.
