«Rýhani jańǵyrý» baǵdarlamasy Hanqorǵandy túletti
Aýdanda uzaq jyldardan beri adam qamqorlyǵyn kórmei júrgen Hanqorǵan qalashyǵynyń qaita túleýin airyqsha atap aitýǵa bolady. «Rýhani jańǵyrý» baǵdarlamasy aiasynda atalǵan qalashyqta joǵaryda otyrǵan bilik basshylarynyń bastamasymen aspan astyndaǵy murajai qurý týraly bastama kóterildi. Qalashyq talai syrdy ishine búgip otyrǵan tarihi jer. Arys ózeniniń sol jaǵalaýyndaǵy bul tóbe qazaq halqynyń birtutastyǵyn saqtaý jolynda bar ómirin sarp etken Abylai hannyń Ońtústik óńirdegi ordasy bolǵan.
Hanqorǵannan bólek Sairamda aqtarsań tarih sóileitin taǵy 12 nysan bar. Olardyń tórteýi oblystyq tarihi mańyzy bar kieli jerler tizimine engen.
Elbasymyz Qazaqstandy damyǵan otyz eldiń qataryna qosylýyn basty baǵyt etýde. Biraq osy asqaraly maqsatty baǵyndyrýdaǵy qyrýar tirlik pen aýyr júkti halyqtyń barlyǵy birigip kóterse ǵana jeńildei túsedi. Osyny tereń túsinýde qoǵamdyq sananyń jańǵyrýy asa mańyzdy.
Bul baǵyttaǵy jumystardy halyqqa tereń túsindirý úshin biz biyl «Jańarǵan Sairam» atty kitap shyǵaryldy. Óz kezeginde bul jergilikti halyqtyń týǵan jerge degen súiispenshiligin nyǵaita túsedi. Al kindik kesip, kir jýǵan jerin qurmettegen el eshqashanda keri ketpeidi. Kerisinshe sol eldiń damýyna qandai da bir qoltańba qaldyrýǵa talpynatyn bolady. Budan bólek, aýdanda murajai salý isi de qolǵa alyndy.
