«Esimhan» atyndaǵy ortalyq alańda ótken sharaǵa aýyl sharýashylyǵy salasynyń ardagerleri men eńbek ozattary qatysty. Festival aiasynda aýylsharýashylyǵy ónimderiniń jármeńkesi, zamanaýi tehnikalar men agrarly saladaǵy jetistikterdi aishyqtaityn aýylsharýashylyǵy kórmesi uiymdastyryldy.
Osynaý aýyl sharýashylyǵy festivalinde Tólebi aýdany oblys boiynsha sút óndirýden 1 orynǵa ie bolyp, marapattaldy.
Tólebi aýdanyna «Sút óndirýden ozat aýdan» jáne «Maqsary óndirýden ozat aýdan» nominatsiiasy berildi.
Aita keteiik, biyl Tólebi aýdanynda 14 209 tonnadan astam maqsary men 17 695 tonna sút óndirilgen. Tólebi aýdanynda óndirilgen súttiń kólemi — Túrkistan oblysy boiynsha 95% quraidy.
Merekelik jiynda oblys ákimi Janseiit Túimebaev sala mamandaryn kásibi merekelerimen quttyqtap, aimaqtyń jetistikterine toqtaldy. Máselen, biyl Túrkistan oblysy aýylsharýashylyq salasy boiynsha zor tabystarǵa jetip, respýblika boiynsha 2 orynǵa shyqqan. Sonymen qatar, kókónis, baqsha daqyldarynan da rekordtyq kórsetkishterge qol jetkizgen.
"Túrkistan óńirinde ósirilgen 500 myń tonnaǵa jýyq ónimder Resei men Belarýs, Latviia, Germaniia memleketterine eksporttalǵan. Sonymen qatar 1 million tonna baqsha ónimi elimizdiń Soltústik oblystaryna jiberilgen. Buǵan jergilikti dihandar men sharýalardyń sińirgen eńbegi zor. Sondyqtan festival aiasynda osy salada belsendilik tanytyp, úzdik kórsetkishke qol jetkizgen sharýalar túrli marapatttarǵa ie boldy", – dedi óńir basshysy.
