Almaty oblysynda tyiym salynǵan «Hizb ýt-Tahrir» dini-ekstremistik uiymynyń qyzmetine qatysy bar degen kúdikke ilingen azamattarǵa qatysty jedel-profilaktikalyq is-sharalar júrgizildi, dep habarlaidy dalanews.kz.
Quqyq qorǵaý organdarynyń úilestirýimen politsiia qyzmetkerleri arnaiy operatsiia uiymdastyrǵan. Is-sharalar Eńbekshiqazaq aýdanyna qarasty Shelek aýylynda ótkizilgen. Aldyn ala málimet boiynsha, Qazaqstan aýmaǵynda qyzmetine tyiym salynǵan «Hizb ýt-Tahrir» uiymynyń jergilikti tobyna 25 turǵyn tartylǵan bolýy múmkin.
Kúdiktilerdiń turǵylyqty mekenjailarynda jáne jeke ózderine sanktsiialanǵan tintý júrgizý barysynda elektrondy qurylǵylar men dini mazmundaǵy materialdar tárkilendi. Atap aitqanda, 11 smartfon, 93 kitap, 16 broshiýra, 2 dápter jáne dini sipattaǵy jazbalar saqtalǵan bloknot alynǵan.
Qazirgi ýaqytta atalǵan derek boiynsha sotqa deiingi tergep-tekserý aiasynda qajetti tergeý jáne protsessýaldyq sharalar júrgizilip jatyr.
Tergeý barysynda oqiǵanyń barlyq mán-jaiy anyqtalyp, tárkilengen ádebietter men elektrondy materialdarǵa saraptama jasalýda. Sonymen qatar kúdiktilerdiń tyiym salynǵan uiym qyzmetine qanshalyqty qatysy bolǵany tekserilýde.
