Solardyń biri – Jetisai aýdany Qyzylqum aýylynyń turǵyny, temir ustasy Ámir Áýelbekov. Jastaiynan temir-tersek qurastyrýǵa qumar ol búginde jurttyń ájetine jarap, shaǵyn ustahanalyq tseh ashyp, eldiń alǵysyn alyp júr.
Jýyrda ǵana ol bir ǵasyrǵa jýyq «ǵumyr keshken» kók traktorǵa «jan bitirip», aýyldyń kireberisine eskertkish retinde tartý etpek niette eken. 1922 jyly shyqqan traktordyń markasy – «Ýniversal». Bul traktordy sońǵy jyldary Qosqudyq aýylynyń turǵyny Qyrǵyzbai Botyuly esimdi azamat tizgindepti. Qyrǵyzbai aqsaqal o, dúnielik bolyp ketkennen soń balalary «ákemizdiń kózi» dep eshkimge satpai saqtapty. Tipti bir kezderi bul traktordyń aiyrbasyna – sý jańa «Jigýli» de usynǵan eken. Alaida áke amamanatyna adal balalary aiyrbasqa barmapty.
«Kók traktordyń biraz bólshegin qaita qalpyna keltirýge týra keldi. Birneshe bólshekti qoldan qurastyrdym. Syrlap, jańadan dóńgelek saldym. Endi birer kúnde qaita qurylymdaý jumystaryn aiaqtap, aýyl ákimshiliginiń basshylaryna tabystaimyn», — deidi Ámir Áýelbekov.
Búginde Ámirdiń shaǵyn tsehynda 4 jigit jumys isteidi. Olar temir qaqpalar qurastyryp, arka, bastyrma jasaýdyń naǵyz sheberleri atanyp úlgergen. Maýsymdyq kezeńdegi tabysymyz aiyna 250-300 myń teńgege deiin ulǵaiady deidi olar. Istiń kózin tapqan Ámir aldaǵy jyly úiiniń irgesinen jyl on eki ai jumys isteýge laiyqty shaǵyn tseh salýdy josparlap otyr.
