Kaspii teńizindegi áskeri oqý-jattyǵý kezinde qaza tapqan sarbazdardyń otbasylaryna jinalǵan qarajattyń naqty somasy jariialanbaidy. Bul týraly Qazaqstan Halyq Keńesiniń múshesi, Mańǵystaý oblystyq qoǵamdyq keńesiniń tóraǵasy Bekmurat Júsipov málimdedi, dep habarlaidy dalanews.kz.
Júsipovtiń aitýynsha, qarajat kólemi men ony alǵan adamdardyń jeke derekteri marqumdardyń týystarynyń ótinishi boiynsha jariia etilmeidi. Bul sheshim olardyń qaýipsizdigi men jeke málimetteriniń qupiialyǵyn saqtaý maqsatynda qabyldanǵan.
Onyń sózinshe, qarajatty esepke alý jáne bólý jónindegi sheshimderdiń barlyǵy komissiia aiasynda qabyldanyp, tiisti hattamalarmen rásimdelgen. Bul jumysqa qaza tapqan áskeri qyzmetshilerdiń ata-analary da qatysqan.
Júsipov komissiia qarajattyń qorǵa túsýinen bastap alýshylarǵa aýdarylýyna deiingi barlyq kezeńde baqylaý júrgizilgenin aitty. Onyń málimetinshe, komissiia jumysy aiaqtalyp, túsken qarajattyń barlyǵy belgilengen tártippen bólingen.
Eske salaiyq, 7 qazanda Qorǵanys ministrligi redaktsiiasyna áskeri oqý-jattyǵý kezinde qaza tapqan sarbazdardyń otbasylaryna kómek retinde áskeri qyzmetshilerden aqsha aýdarý erikti negizde júzege asyrylǵanyn habarlaǵan edi.
