كاسپيي تەڭٸزٸندەگٸ ەسكەري وقۋ-جاتتىعۋ كەزٸندە قازا تاپقان ساربازداردىڭ وتباسىلارىنا جينالعان قاراجاتتىڭ ناقتى سوماسى جارييالانبايدى. بۇل تۋرالى قازاقستان حالىق كەڭەسٸنٸڭ مٷشەسٸ, ماڭعىستاۋ وبلىستىق قوعامدىق كەڭەسٸنٸڭ تٶراعاسى بەكمۇرات جٷسٸپوۆ مەلٸمدەدٸ, دەپ حابارلايدى dalanews.kz.
جٷسٸپوۆتٸڭ ايتۋىنشا, قاراجات كٶلەمٸ مەن ونى العان ادامداردىڭ جەكە دەرەكتەرٸ مارقۇمداردىڭ تۋىستارىنىڭ ٶتٸنٸشٸ بويىنشا جارييا ەتٸلمەيدٸ. بۇل شەشٸم ولاردىڭ قاۋٸپسٸزدٸگٸ مەن جەكە مەلٸمەتتەرٸنٸڭ قۇپييالىعىن ساقتاۋ ماقساتىندا قابىلدانعان.
ونىڭ سٶزٸنشە, قاراجاتتى ەسەپكە الۋ جەنە بٶلۋ جٶنٸندەگٸ شەشٸمدەردٸڭ بارلىعى كوميسسييا اياسىندا قابىلدانىپ, تيٸستٸ حاتتامالارمەن رەسٸمدەلگەن. بۇل جۇمىسقا قازا تاپقان ەسكەري قىزمەتشٸلەردٸڭ اتا-انالارى دا قاتىسقان.
جٷسٸپوۆ كوميسسييا قاراجاتتىڭ قورعا تٷسۋٸنەن باستاپ الۋشىلارعا اۋدارىلۋىنا دەيٸنگٸ بارلىق كەزەڭدە باقىلاۋ جٷرگٸزٸلگەنٸن ايتتى. ونىڭ مەلٸمەتٸنشە, كوميسسييا جۇمىسى اياقتالىپ, تٷسكەن قاراجاتتىڭ بارلىعى بەلگٸلەنگەن تەرتٸپپەن بٶلٸنگەن.
ەسكە سالايىق, 7 قازاندا قورعانىس مينيسترلٸگٸ رەداكتسيياسىنا ەسكەري وقۋ-جاتتىعۋ كەزٸندە قازا تاپقان ساربازداردىڭ وتباسىلارىنا كٶمەك رەتٸندە ەسكەري قىزمەتشٸلەردەن اقشا اۋدارۋ ەرٸكتٸ نەگٸزدە جٷزەگە اسىرىلعانىن حابارلاعان ەدٸ.
