Biyl oblystyń mádeniet salasynda jasalǵan dúnie az emes. «Rýhani jańǵyrý» baǵdarlamasy aiasynda úlken jumys júrgizilýde. Birqatar aýyldarǵa mádeniet úileri salyndy. Máselen Jańaaýyl, Kenjekól aýyldarynda jańa mádeniet oshaqtary ashyldy. Al jyldyń basty jańalyǵy «Ertis» mýzeiiniń ashylýy boldy.
Sondai-aq, oblys ákimi oblystyń óner oshaqtarynyń respýblikalyq «Rýhani qazyna» konkýrsynda jetken jetistikterimen de bólisti. Máselen, Potanin murajaiy úzdik oblystyq mýzei, al «Oblystyq halyq shyǵarmashylyǵy ortalyqtarynyń úzdik qyzmetkeri» nominatsiiasynda Buzaýbaeva Almagúl jeńiske jetti. «Zaǵip jáne kózi nashar kóretin azamattarǵa arnalǵan kitaphana qyzmetkeri» nominatsiiasy da pavlodarlyq Lázzat Qýantaevaǵa tabystaldy.
Budan bólek, Isa Baizaqov atyndaǵy filarmoniia kóptegen respýblikalyq festivalder men konkýrstarǵa qatysyp, júldegerler sanatynan tabylady.
Oblys ákimi keler jylǵa arnalǵan josparlarymen bólisti.
Sonymen qatar, oblys ortalyǵynda Abai Qunanbaiulynyń, Estai Berkimbaiulynyń eskertkishteri boi kótermek. Al Ekibastuz qalasynda Baýyrjan Momyshulynyń eskertkishi ornatylady. Buǵan deiin Qanysh Sátpaevtyń Nur-Sultan qalasynda músini qoiylatynyn aitylǵan edi.
Kezdesý sońynda aimaq basshysy óńirdiń mádenieti men rýhani jumysyna úles qosyp júrgen azamattarǵa alǵys hat tabystap, 200 myń teńge kóleminde syiaqy berdi. Olardyń qatarynda Júsipbek Aimaýytov atyndaǵy qazaq mýzykalyq drama-teatrynyń akterlary, arheologtar jáne «Táýelsizdik-tuǵyrym» chellendjin bastaǵan «Jebe» qoǵamdyq birlestiginiń jetekshisi Daniiar Jumadil bar.
