Oqý ortalyǵynyń qurylysy 2009 jyly bastalǵan bolatyn. Alaida, keshenniń jertólelerin jerasty sýlary basyp qalyp, merdigerge qatysty másele týyndaǵan bolatyn. Osynyń saldarynan qurylys toqtap qalǵan-dy. Tek, sońǵy birneshe jyldyń ishinde ǵana jumys alǵa basty. Ortalyqtyń qurylysyn jandandyrý úshin oblystyq biýdjetten 4 mlrd teńgege jýyq qarjy bólinip, qurylys jumystary tolyq aiaqtaldy.
– Úkimettiń qoldaýynyń nátijesinde ortalyq qurylysyn oidaǵydai aiaqtadyq, – dedi Pavlodar oblysynyń ákimi Bolat Baqaýov ashylý rásiminde. – Búginde bizdiń óńirde kadr tapshylyǵy bar jáne bul tek otyn-energetika keshenine ǵana qatysty emes. Bolashaqta bul jerden bilikti mamandar men basshylar tárbielenip shyǵady degen senimdemiz.
– Oqý ortalyǵynyń mártebesi tiisti litsenziiany alǵannan keiin aiqyndalatyn bolady. Qazir osy baǵytta jumys júrgizip jatyrmyz, – dedi oblystyq bilim berý basqarmasy basshysynyń mindetin atqarýshy Jomart Qarambaev. – Sondai-aq oqý ortalyǵyna oqytýshylar quramyn tańdaý boiynsha da jumystar júrgizilýde.
Oqý ortalyǵy jańa jyldan bastap jumysyn bastaidy.
Sýretti túsirgen Valerii Býgaev
