Shetelden 7 aı̆lyq bala tabylyp, Qazaqstanǵa qaı̆taryldy, - dep habarlaıdy Dalanews.kz Oqý-aǵartý mınıstrliginiń Balalardyń quqyqtaryn qorǵaý komıtetine siltep.

Komıtet 7 aı̆lyq Qazaqstan azamatynyń Reseı̆ Federasıasynan elge oralǵanyn habarlaıdy. Kelgen boı̆da búldirshin balalar aýrýhanasyna qaralyp, tekserilý úshin jatqyzyldy. Qazirgi ýaqytta onyń jaǵdaı̆y turaqty, ózin jaqsy sezinýde. Medısınalyq sharalar aıaqtalǵan soń náreste "Balalar úı̆i" KMM-ne jiberiledi. Balany alyp kelý prosesine ádisker-qamqorshy jáne anestezıolog-reanımatolog qatysty.

"Biz úshin árbir balanyń qandaı̆ jaǵdaı̆ bolmasyn, qajetti qoldaý alýy mańyzdy. Sondaı̆-aq, elimizdiń árbir azamatyna barynsha qamqorlyq kórsetip, qaýipsizdigin qamtamasyz etýge tyrysyp jatyrmyz. Tıisti organdar men mamandar kishkentaı̆ náresteni elge qaı̆tarý úshin orasan zor jumys atqardy. Osy jaqta onyń ósip-jetilýi úshin bilikti mamandar qoldan kelgenniń bárin jasaı̆dy", - dep atap ótti QR Oqý-aǵartý mınıstrligi Balalardyń quqyqtaryn qorǵaý komıtetiniń tóraı̆ymy Nasymjan Ospanova.

Vedomstvo málimetinshe, komıtet balalardyń qaýipsizdigi men ál-aýqatyn qamtamasyz ete otyryp, olardyń quqyqtary men múddelerin qorǵaý jónindegi belsendi jumysty jalǵastyryp jatyr.

"Biz qajet bolǵan jaǵdaı̆da balalardy Otanyna qaı̆tarý úshin bar kúsh-jigerimizdi salamyz jáne olardyń kásibı mamandardyń qamqorlyǵynda bolýyn qamtamasyz etemiz", - delingen habarlamada.